كل واحد يفسّر نفس الحادث على ما تشتهيه نفسه
نقلا علن الأخ سعد الدين النائلي الجزائري منذ 3H
تفسير الاحداث عند الجزائريين
....................
حادث مرور خطير كاد ان يهلك فيه العريس و العروس بسيا رة bmw
العروس : هذه الكلبة تاع بنت خالتي مللي خطبني و هي قلبها محرووووق حتى جابتها فيا
العريس : علابلي حسدوني فيها كانوا كامل حابين يخطبوها الحمد لله جات غير في الحديد
ام العروس : والله غير عرفتها جارتي هذيك العرس كامل وهي تهدر عليها
المتدين : دراهم لحرام يروحو في الظلام
الشرطي :هذا كامل لعدم احترام قواعد المرور
المتزوج : مسكين من الاسبوع الاول هبلاتوا يا حليلوا وش راه جايوا
السياسي المعارض : كل هذه الحوادث نتيجة السياسة الفاشلة للدولة و قلة المراقبة
الشيات : الحمد لله مللي طبقنا برنامج الرئيس صارت الحوادث قليلة هذا هو الحادث الاول منذ ثلاثة ايام
المكانيكي : اكيد سبب الحادث عطل في المكابح لو كان جاء درنالوا مراقبة للسيارة كان ما صرالوا والو
امام المسجد : هذا كله بسبب طيش الشباب و الاستهتار بالارواح
الديباناج : والله غير الحمد لله هذي البلاصة فيها الخدمة
واحد عندو R4: قتلكم البيام مش ملاح فيهم ديفوا يجبدو
ابناء الحي : لازم نروحو للبلدية تعملنا دودان بزاف كل يوم حادث
واحد من جماعة تويتر : حادث خطير في مفترق الطرق
واحد من الفيس بوك: راكم شفتوا وش راني كتبت
سعد الدين النائلي الجزائري