صباح الخير بالنسبة للدوارة تغسلبها مليح وإذا حبيتي ديريها بكبوكة قصيها وحطيها تغلي باه تتخلصي من الريحة ومن بعد صفيها وشلليها مليح وحطيها وأرحي البصلة +سنات ثوم +مغرف طماطم مصبرة +شوية هريسة +ملح وفلفل أكحل +دواوات البرمة هنا كل واحدة وواش تستعمل كاين لي دير كسبر ولا رأس الحانوت وديري شوية زيت وفنجان ماء ولوحي الدوارة معاهم وخليهم يتقلاو مليح وهذا سر الأكل باه يجي بنين حتى تطلع الزيت ومرقي وخليها طيب مليح ولوحي شوية حمص يكون طايب من قبل وإذا تحبي البطاطا قرن فلفل حار حتى تخثار المرقة وكي تقدميها قصي الدبشة لي نشريوها من قدام الرحبة وبالصحة والهناء وإذا حبيتي وصفة العصبان نمدهالك