اليوم و في درسنا الرابع اخترت لكم غرزة الضفيرة و هي غرزة متداولة كثيرا في اعمال السموكس
نظرا لجمالها و سهولة الباترون و التطبيق
ملاحظة فقط الوسادة من انجازي و الايام المقبلة نحطلكم الباترون و طريقة الانجاز
و هذا كي نكملو الغرز و ندخلو للتطبيقات على المخاد
حاجة وحدة برك راهو الدبدوب نتاعي لي دارلكم التطبيق اليوم
تابعوه راهو عندو دوكتوراه في السموكس
اولا و كالعادة نحضر الادوات اللازمة للعمل و التي تعودتوا عليها
نحضر الباترون برسم جدول ابعاد مربعاته كالتالي
لانو كيما اتفقنا هذه الابعاد تعطيلنا حجم غرزة مناسب يعني متوسط
نرسم الباترون بالشكل الموضح هنا
ننقل الباترون على ظهر القماش و كيما العادة الي تعرف روحها شاطرة ماكلاه تنقل الجدول كامل تدير غير النقاط الي تحتاجهم
نبدا بالربط بين النقاط كما هو موضح بالباترون
كالعادة الاخوات الي يحبو يقصو الخيط يقصوه و اللي مايحبوش يخلوه لانو ما كانش فرق فقط بعض الاخوات ممكن يخافو انو الخيط يتشابك ليهم مع بعضو لازم يقصوه
و هكذا حتى ننهي العمود الاول
حتى ننهي العمود الثاني
و في الاخير بعد انهاء الباترون الي رسمناه نحصل على هذه النتيجة
انشاء الله تكون العملية واضحة
واي استفسارات راني معاكم هنا
كل اخت تقدم لينا تطبيقها فيما يخص غرزة الضفيرة
2011 /18/12 الى غاية 2011/12/21