[ام محمدْ ومريمْ]

المشاركة الأصلية كتبت بواسطة nina nawel

السلام عليكم اختي شوفي ديري 4 انواع نتاع قاطو مثلا بقلاوة و شكلاطة السليكون المحشية و تشاراك و معاه صابلي المهم على حسب واش تقدري حاولي تنوغي يعني قاطو معسل واحد بالشكلاطة حاولي تنوعي و خدمي كميسات الحلوى و الدراجي و ديري سفة بالمكسرات و حلوة الترك حطيها مع لتاي و القهوة و اذا تقدري ديري العصير ايضا فيما يخص الماكلة ديري كسكس بلحم و زينيه بالتمر و الزبيب و البيض و حطي اللبن معاه و ذا عندك الامكانيات ديري دري حريرة و طاجين وسلايط و ليموناد انا نفضل الكسكس احسن لانه مافيهش تعب و و اواني بزاف نتمنى نكون افدتك راني عطيتك شويا من عادات التلمسانيين نتمنى من الاخوات يساعدوك ايضا و ربي يسهله و انتي ديري رجليك في الماء البارد لما يكونوا يطهروا في وليد باش ربي يبرد قلبك ان شاء الله

مشكورة تعيشي فيما يخص لغدا راني ناوية ندير شخشوخة وسلاطة وشربة وطاجين لحلو ومذابيك تحطيلي طريقة السفة حنا منعملوهاش