"طجين الزيتون بالجاج محمر" هنا اخواتي الكريمات عندكم الاختيار تحبو تستعملو جاجة كامل او تقتاصدو وتستعملو نص دجاجة مثل ما راكم تشوفو فالصورة نقسم الجاجة لنصفين نصف نخليه لاستعمال اخر ونصف الاخر نطيب بيه الطاجين اولا نحضر تتبيلة متكونة من ثوم وملح وفلفل اكحل وثوم ونضيف شوية زيت ندهن الدجاجة بهده التتبيلة ثم ندهنها بالزبدة وندخلها للفرن طيب نشعل الفور اولا من الاسفل كي نشوفها طابت نشعل الفور من الاعلى بعد ما طيب الدجاجة نحطها بجيه وهديك الصوس لي قعدت فالبلا نحطها في طنجرة ونضيفلها الجزر والبصل والثوم وشوية ملح وفلفل اكحل وزعتر ورند ونخلي الكل يتقلى ثم نضيف الفطر وزيتون بدون نوات ونمرق بعد ما الكل يطيب نقدم الطبق حسب الرغبة "غراتان بالمرقاز والفطر وسكالوب" في سنية نضع شرائح بطاطا ونضيفلها ملح وزيت وماء وندخلها للفور حتى طيب وتشرب الماء من جهة اخرى نطيب المرقاز و سكالوب وفي نفس المقلات لي طيبنا فيها سكالوب نطيب الفطر نبدا نستف على البطاطا المكونات لي طيبناها من قبل اولا نضيف الفطر ثم المرقاز واخيرا نضيف شرائح سكالوب ثم نضيف على الكل جبن شيدار مبشور وندخلها للفور تحمار وشهية طيبة "روز بسكالوب" اولا نغلي روز ونصفيه ونحطو بجيه نقطع سكالوب شرائح رقيقة ونتبلها بملح وفلفل اكحل وثوم نحطها في مقلات فيها شوية زيت بعد ما يطيب نحيه من المقلات وفي هديك الصوس نضيف بصل وشوية ملح وحميصة انا كنت طيبتها من قبل وخبيتها فالمجمد نخلي الكل يتقلى بعد ما يطيب البصل ويدبال نضيف نصف كاس ماء ونخليه يغلي شوية ونضيفو لروز ونرجع القدر للفرن على نار قلييييلة باش يسخن مليح وشهية طيبة