[سطايفية بكل فخر]

المشاركة الأصلية كتبت بواسطة dz-yac

لا اعرف المشكل لكن اعتقد بالفعل انه العين الكسلانة ونعم هناك حول على مستوى تلك العين
العين اليسرى ناقصة بزف كما شرحت لك حنى النظارة لا تفبد
اما اليسرى من جييدة لمتوسطة

اما الشوفة تبانلي نقصت يعني مقارنة لما كنت صغير
بكرري نتفكر بلي الطبيب قالي حط ضماضة على العين اليمنى باش تنشط اليسرى لي مانشوفش بيها مليح
ولكن كنت انزعها ولما مر الوقت قالي صايي الان مكانش حل هدا تقريبا في سنوات التسعينات

عرفت بلي العين الكسلانة هي لي متخليكش تشوف هكا للساف
+
اه يعني كانت عينك دايرة
وهل رجعت لبلاستها كي داوتها او مازال المشكل اخي
+
اخي قلي وشحال في عمرك الان
وقتاش حبست العلاج عند الطبيب في صغرك وحبست الضمادات من التسعينيات مزدتش درتهم؟
+
اخر مرة زرت الطبيب متى وان امكن اعطيني لكوراكسيون
وهل كي بدا يبدلك في الزجاجات هل حست بلي تحسن الروية ولو بشوية قليلة او محاولش معاها خلاص وقالك انسى امرها
+
للاسف عملت خطا انك محطيتش الضمادة اخي لانو علاج العين الكسلانة هي الضمادات في الصغر باش نشطوها ومنخليوش المخ ينساها ويعتامد عليها
+
شوف اخي جاوبني وقلي وشا من ولاية انت نمدلك اسم طبيب يكون مليح يكون قريب ليك او الولايات لي قدامك
وانش اء الله نلقاو الحل وان كان الامل صغيرجدا لانو العين الكسلانة اذا فاتت ومشات في الصغر خلاص يروح امل علاجها الا في حالات قليلة جدا والاطباء ميقوللكش هذا لكلام لانو كي يفوتو ويلقاوها عندها سنين يتجاهلوها وهذا حدث مع صديقتي 10 سنين كانو الاطباء متجاهلينها حتى مرة كنا نسييوي معاها في قرايتنا مع طبيبة وطلعت وشافت 2 على 10 تخلعنا فيها لهذا قتلك احتمال عينك ترياجي وتشوف على الاقل اول السطور وتعاونك العين اليمنى على النظر حنا نديرو امل صغير وعلى ربي ان ش اء الله لكن كيما قتلك صغير فقط لانو مشكل العين الكسلانة انو لما يفوت الوقت متقدرش تخلي المخ يعاود يخدها لانو يتعود يخدم بعين
والهدف تاعنا ايضا انو نحافظو على العين الاخرى لتروح وتنقص بزاف
جاوبني من فضلك بالتدقيق باش نوجهك