الاخت اللي حطت للموضوع نقلها ربي يجازيك على المبادرة الطيبة
بالنسبة لي من خلال تجاربي:
العجينة تطلق ليدام خاطر الزبدة في الصيف راهي كون تبقى بلا فريجيدار تولي شبه ذائبة امالا اخدمو بيها باردة هكدا تساعدكم بز اف وانا راني نخدم ب لابال
هادا العام درت صابلي بالكاكاو وقاطو النيستله بطريقة سهلة وكملتهم في نص نهار اولا درت كيلو مرغرين ضربة وحدة وكي جيت نضيف الفرينة قسمتها على 2 وحدة زدتلها الكاكاو والفرينة ووحدة زدتلها غير الفرينة وخليتهم ليلة كاملة في الفريجيدار
لغدوا من داك طيبتهم نورمال
ومن بعد زينتهم مع بعض ولعشية درت مقروض ولغدوا درت بنيون في 5 دقايق
متعبنيش القاطو هدا العام بفضل التحضير المسبق