سلااااااااااااااام لاننا راح ننتاقلو لبيتنا الجديد ما نقدرش نحط تحضيرات تاع تسياق و بانتورة راه القش مخربط و مدسوس في الكراطين خخخخخخخخخخ بالنسبة للثلاجة ما قدرتش نصور كل المراحل صورت برك الغلاف القديم رايحة نبدلو غدا نقومو اولا بتفكيك الرفوف و نغسلها جيدا بالصابون و الماء و نشللهم امباعد ننشفهم بالورق تاع المطبخ papier serviette لااااااااااااااااااااااااااااااازم تنشفوهم خطر كون ما تنشفوهمش و تخلوهم يقطرو و ينشفو وحدهم يبقاو فيهم وحد النقاط تاع كالكير ما يبانولكمش بصح راه كاااااااااين لي يلاحظهم كيما أنا امباعد واش ديرو نجيبو ورق السيلوفان و نغلفو الرفوف كامل و نزيدو نعاودو نغلفوهم صافي يولو 2 كوش تاع سيلوفان امباعد نلصقو فوق السيلوفان هاذاك التوانسيري راه يتباع اصلا يلصق امباعد نديرو الخل للثلاجة و نمررو عليها شيفونة ثم نغسلوها جيدا بالصابون و نشللوها و نشفوها بالورق تاع المطبخ جيدا و نرجعو الرفوف دوختكم وقيلة كي نكملو نروحو للكونجيلاتور عموما راه يكون نظيف خطر الثلاجات تاع هاذ الوقت ما يديروش الثلج نمسحوه بالخل امبعد نغسلوه و نشفوه بيان نغلقو الثلاجة تاعنا و نغسلوها من برا مليييييح و نشفوها و نزينوها اذا كان تحبو الزينة سينو نغطوها على الغبار امبعد تغسلو الخضر تاعكم و تنشفوها و ترتبوها في السلات المخصصة راهم يتباعو ب 5الاف وقيلة ولا 10 الاف يهبلو و القجر تاع الفريجيدار تغلفوه بالسيلوفان و تفرشو فيه ورق المطبخ خطر ديما تكون فيه رطوبة و الورق يمتص هذيك الرطوبة و ما يخليش الاوساخ تتشكل و تولي كل اسبوع تمسحي هذاك توانسيري برك بالجافيل يرجع يشعل و يعزل الاوساخ ما يفوتوش لزجاج تاع الرفوف بهذي الطريقة انا راني معتمدتها نحيت غبنة كبيييييييييييييييييرة على روحي خصوصا اني خدامة ما نلقاش الوقت و كي نجو نعاودو انظفو الثلاجة نحوا هاذاك السيلوفان و توانسيري تلقاوها تشششششششششششششششششششششعل و تاعاودو برك تغلفو و تغسلوها من فوق بهذي الطريقة الثلاجة تاعنا و لات ديما نظيفة و تنظيفها مرة كل 2 اشهر و العايلة كبيرة يعني لي عائلتهم صغيرة تقعدلهم اكثر من هذي المدة نسيييييييييييييت ما كتتبتش اسمي في الصور المهم هاذاك توانسيري لي يلصق تلقاوه يتباع رولوات كل رولو في متر 2 امتار يكفوكم وكاين انواع كاين لي منقط و لي مورد انا عجبني هاذا بصح غدا رايحة ندير الغوز بون بون منقط بالابيض ههههههههههه نموت على الالوان الزاهية