السلااااام ان شاااء الله رااكم بخييرر حبيت نقدم و صفة الشبااتي ولي هو اكلة توونسية طيبتو امس ان شااء الله يعجبكم دوون اطالة تفضلوا المقااادير العجينة 500غ فرينة 100غ سمييد ارطب ملعقة متوسطة سكر ملعة كبيرة خميرة الخبز ماء 3 ملاعق زيت زيتون مقاادير الحشو هريسة جبن طري تونة زيت زيتون اسود بيض مايوناز بطاطا مقلية طرييقة التحضيير نخلطو الفرينة و السميد و الملح مع بعضاهم نزيدولهم كاس فيه الخميرة والسكر و القليل من الماء نضيفوه فوقهم نخلطو مليح و نطمو العجينة بالماء تبقي طرية اوك بعد ما تتشكل لينا عجينة طرية نزيدولها 3 ملاعق كبيرة زيت زيتون و نحاولو نعاودو نعجنوها قليلا باه تدخل الزيت زيتون فاها نغطوها و نخلوها ترتاح مدة ربع سااعة بعد نحكمو نشكلو العجينة الى كويرات الحجم تشوفوه في صوورة وبعد نرشو سينية بالفرينة و نخلوهم يرتاحو مدة نصف سااعة نجبدوهم و نحلوهم شويا بالحلال و نطيبوهم في طاجين لي نطيبو فيه المحااجب ولي معندهاش تقدر طيبهم ب cripyer نسيت نقولكم كي تبسطوهم اثقبوهم شوياا اوك بعد ما يطيبوا نفتحوهم و نديرو الهريسة و الفرماج و البطاطت و نحكمو البيض نديروه اوملات و كل حبة شباتي نحطو فوقها اوملات تاع البيض و بعد نزيدو التونة و الزيتون واخيرا المايوناز و نعودو نغلقوا صدقووووني بنة لاتقااوم و النتيجة كانت نفس المطعم لي ذقتو في تونس والله نفسها واخيييرااا شهية طيبة الصور في المرفق