كما قال الأخ ، وذنك و عينيك هي ميزانك
يقول والدي، " الشوفور الصح، يمتع وذنو بصوت الموتور "
اذا السرعة لماشي بيها أكثر من درجة لي راك فيها، رايح تشوف لوطو تخنقت ، من ذاك تسمع الموتور يفبري، تقدر تهبط من 5 الى 2 عادي و تهبط من 4 الى 2 عادي و 5 الى PM ، برك تبع السرعة و عينيك ميزانك على الرجيم تتعود عليها مع وقت.
خلي بالك برك، في الهبطة من PM مع الفيراجات و بالك تجوز فيتاس في فيراج حاد، راك مع تعفس l'embrayage سرعة تزيد في الغالب و السيارة ترجع في عدم اتزان، كأنه سقوط حر او انعدام جاذبية ، كان أول خطأ نديرو و بفضل الله، لقينا ناصح ووجيه قبل الوقوع في نتائج الخطأ.
و نصيحتي للجميع:
ما أحلى القيادة 80 كلم/سا ، راحة بال فعلية، أشبه بالاستلقاء في حوض البينوار، ترتاح من الفيتاس، تريح عينيك و عقلك فعلا.
السرعة التي يحتاجها الجسم للراحة الفعلية و كلما زادت السرعة قل التركيز و زاد الضغط و نسبة الخطأ و مدى خطورة ما ينجم عنه.