ladymillion
المبتدئة هاهي وصفة القريوش نتاع يما :
كيلو فرينة من الاحسن SIM
2 بيضات كاملة
كأس مارغارين ذايبة ونقصي من الكاس حوالي 1سم
باكي خميرة الحلوى
رشة ملح
ماء زهر باش تلمي العجين
تبسسي العجين بالبيض اولا وتدلكي + المارغارين + وضع جميع المكونات وتبلي بماء زهر بالشوي وتلمي العجين وتعجني تعجني حتى تتكون عندك عجينة متماسمة وتكون ملساء اقسميها كويرات صغيرة قد حبة الليمون
تخليه يرتاح 2 سا في درجة حرارة معتدلة
تحضيرو يكون كالاتي :
جيبي المكينة نتاعك وكويرة من العجين والنشا
مرري العجينة في رقم 1 للمرة الاولى ،،، وطبقيها على ثنين وزيدي مرريها في رقم 1
ومن بعد مرريها في رقم 3 ورشيلها النشا مليح وطبقيها هكذا
وزيدي مرريها على 3 وزييييييدي كرري نفس العملية لي رسمتها متنسايش النشا
من بعد مرريها في رقم 5 لمرة واحدة وشكليها واقليها لما تشكليها ماتحطيش الحبات عند االهواء رح ينشفو وماينجحولكش من الافضل اقليهم مباشرة
النار تكون متوسطة يعني هادية شوي
الزيت مستواها يكون عند نصف المقلة
اما بالنسبة للحبة لازم تلوحي الزيت فوقها الزيت راح تساعد الطبقات ينفاصلوا وينتفخوا