اقتباس:
المشاركة الأصلية كتبت بواسطة بيلسان91
صباح الخير سطايفية
وش راكي
نتمنا تكوني بالف خير
حبيت نسقسيك على المشينة الكحلة والمشينة كما تاعك
وش هو الفرق بين المشينيتين
وش هي المساوئ تاع كل وحدة فيهم
وبقداه تتباع كل وحدة فيهم عندكم فالعلمة
فقالمة قالولي الكحلة ب 600 الف و و كاينة وحدة مودارن يضهرلي كما تاعك المهم هي جاية معاها طابلة كبيرة قالولي ب 3 ملاين
|
ياختي راكي ديري في الفرق بي الشرق و الغرب اكيد راكي تعرفي. انو المشينه السوداء يدويه منزليه و نحبو نزيدولها الموتور تساعدنا في الطرز تاع لقنادر بالفتله و الباسي بلا و الروشيليو لي نخدموه في لي درا و الثانيه صناعيه سريعه تخيط و تطرز. و اكيد سعرها راح يكون غالي مليح السعر تاعها قدامكم يعني حق الطراجي و الكراء زيديه واشري من توالكم نضن راكي عرفي كل وحده واش دير ونتي ضك خيري ويناهي لي تكسبي
اقتباس:
المشاركة الأصلية كتبت بواسطة بيلسان91
واعديني على السؤال التاني هو مش على المشينة نشالله تجاوبيني عليه تاني
ويناه اللي خير تتعلمي الخياطة فمركز التكوين المهني ولا عند خياطة على برا وتسلكيها كل شهر هو كل واحد وش تطلب
كاين اللي تطلب 300 للشهر وكاين اللي تطلب 600 للشهر
وفكلتا الحالتين ويناه اللي تتعلمي عندها اسرع
قصدي اللي تتعلم الخياطة فمركز التكوين المهني قداه يلزملها الوقت بش تتعلم
|
هههههههه هنا نتي لي لازم جربي ممكن لي في التكوين توصلك لفهامه خير و ممكن تستفادي من لي تقري في الدار احسن بحكم راهي دير دي كور انتونسيف تخلصلكم المقرر ثم ثم و تقراي واش حابه نتي تتعلمي ما تمشيش على برنامج و نتي شوفي مخروجك
اقتباس:
المشاركة الأصلية كتبت بواسطة ويداد
السلام عليكم
شريت ماكينة الخياطة قالو لي مش مليح انا كنت تخيط عادى و نبعد أصبحت تقطع في الخيط وهي مرقلي أرجو منكم مساعدة ما عنديش زهر هههههههههه وانا نحب نتعلم خيط زهر هي نوعية
super art sewing machine model. Jh680
|
ختي ماشينتك هايله و تخيط كل الانواع. الخيط كي يتقطع ي اما الابره دايره ميش في مكانها او انتي شابحه بزااف لا طونسيون تاعها.
اقتباس:
المشاركة الأصلية كتبت بواسطة fadilasor
مساء الفل سطوف ربي يحفظك وينورك ويكتبلك في عمل تقومين به حسنة ويقربك الف خطوة للجنة كي شريت الماشينة نتاعي اول مرة نطلب طلب في القسم حبيت نعرف كيفاش يركب الخيط ولا واحدة ساعدتني وظليت وحدي حتى تعلمت ومع موضوعك هذا راني بزاف استفدت خاصة اني ماكنتش نعرف اني نقدر نقص من سرعة الماشينة واكيد موضوعك راني حفظتو عندي باش نستفاد منو ربي يحفظك
|
ياختي في الموضوع تاع جيبي مشينتك و ارواحي لي من قبل كان فيه مسار الخيط وريت كيفاش يفوت. معليش حنا لازم نعذرو الناس كل هذا و ظروفو بالنسبه لسرعة المشينه كاينه طريقه اخرى بصح معقد حبيت نوريلكم هاذي احسن و اسرع. بالتوفيق فضيله