البارح عرضنا عمي لعشا درتلهم les tartes و علاجالكم صورت شوية و صدقوني تجي لذيذة جدا و عن تجربة la pate: العجينة 250 غ مارغارين (أنا نستعمل فلوريال) 250 غ سكر عادي 2 حبات بيض (أو كيما يسموهم ناس الشرق عضام) 01 خمرة كيمياية تلميهم مليح بالفرينة لتتحصلي على:......... و من بعد: و من بعد: و تبعتيهم يطيبو كي تشوفيهم بداو يحمارو شوية نحيهم الكريمة la créme 300 غ سكر عادي 01 لتر حليب . 100 غ مايزينة. 03 بيض (عضام) فانيلا + قرعة عطر الفاكهة لي راكي حابة ديريها (و إذا ما حبيتيش يمكن الاستغناء عن العطر فالفانيلا تكفي) تخلطيهم كامال مليح و من بعد تحطيهم على نار هادئة و تخليها تطيب بلاعقل برك مع التحريك حتا تعقاد و تتقال (تولي جامدة شوية على لابلامين تاع الذراري الصغار) و من بعد تخليها تبرد مليح عذرا la créme نسيت ما صورتهاش كنت مشغولة بزاف مالتهيتش بتصوير الكريمة و la pate خدمتها و طيبتها نهار ماقبل و خبيتها) و بعد ما تبرد عمري بيها la pate تاعك لي طابت من قبل و زينيها بالفاكهة لي عندك في البيت و تخرج كيما في هاذ الصورة شهية طيبة ملاحظة الوصفة لي كتبتهالك تخرجلك 26 حبة تاكلوا حتا تشبعوا و تزيدو تشبحوها ب la gelée إذا عندكم و إذا ماكانش أخدموها في الدار و إذا مافهمتوش أي حاجة راني هنا اسألن أجيبكن 26 حبة ماراحش تاكلوهم كامل ممكن تبعثوا لجيرانكم و لا لحبابك و الأحسن تذوقوا كاش عائلة على قد حالها عندها ذراري صغار و ماتقدرش تشري هاذ الأمور و ربي يجازيكم بنات و الله تعبت في تنزيل الموضوع و بالصور و أنا لا أطلب منكن شكرا لكنني أطلب منكن الصلاة على النبي عليه الصلاة و السلام و تدوا الأجر إن شاء الله