السلام عليكم لم أسجل الحصص لأن الهاتف كان معطل سمعتها من خلال التلفاز في المرات القادمة ان شاء الله أسجل
الجينواز
6 بيض + كأس سكر عادي خلطي مليح بالباتور حتى يتضاعف الحجم ثم زيدي فانيلا + 2 كيسان فرينة + 1 خميرة كيميائية و خلطي بالملعقة في نفس الاتجاه في مول مدور ومدهون ثم مرشوش بالفرينة فرغي الخليط و دخليه للفرن درجة الحرارة 180 كي يطيب خرجيه من الفرن و اقلبيه فوق طرشونة مندية
الكريمة
نصف لتر حليب + نصف كأس سكر عادي + 1 صفار بيضة + م ص فانيلا + 3 م ك مايزينة خلطي مليح بالفوي على نار هادئة و حركي حتى تثقال و تولي كريمة ذري عليها شوية سكر خشين باش متربيش طبقة كيما نتاع الفلان خليها تبرد ثم ضيفيلها 150 غ مارغرين و خلطي بالباتور أو ملعقة خشبيه حتى يمزج الخليط جيدا
اقسمي الجينواز على زوج عمري بالكريمة المخلطة مع أي فاكهة ( يمك تشربي لا جينواز بالشاربات ) غطيها بالطبقة الأخرى
كأس كريمة شانتي غبرة + نفس الكيل ماء بارد و خلطي بالباتور حتى تولي كريمة زيني بها الجينواز من فوق و في الجوانب
باقي الكريمة شانتي زديلها نصف باطة شيكولا وديريها في لابوش ادوي و زيني من فوق ثم زيني بالفراولة و ديري لاجولي باش تبرق .
حلوى القازوز
6 بيض + كأس سكر عادي + كأس مارغرين ذايبة + كأس دشيشة نتاع الطمينة + كأس فرينة + 1 خميرة كيميائية +قشور 2 حبات قارص
خلطي الكل مع بعض بالباتور ثم فرغي الخليط في مول الموسكوتشو يكون مدهون و مرشوش بالفرينة درجة الحرارة 180 درجة مدة الطهي من 25 د إلى 30 د
كي يطيب خرجيه و حطيه فوق طرشونة مندية ثم اقلبيه في صينية غامقة
الشاربات
نصف لتر ماء + 300 غ سكر عادي يغليو 20 دقيقة
اسقي بيه الحلوى دائما جهة باردة و جهة سخونة إذا كانت الشاربات سخونة تكون الحلو باردة و العكس
قطعيها و تقدم مع القازوز في الأفراح
شهية طيبة