اقتباس:
المشاركة الأصلية كتبت بواسطة anissa90
السلام عليكم ان شاء الله نقدر نفيدك لان عندي في العائلة طفل مصاب بالتوحد عمره 9سنوات والحمد لله راه احسن من لكان عليه رغم مازال يتلفظ ب كلمات و جمل غير مفهومة و دائما عنيد و كثرة الحركة ولكن كيما قوتلك من قبل راه احسن و احسن من لكان عليه اراه السنة الثالتة ا شاطر في درستوا خير من طفل عادي يحفظ كل شئ بسرعة قوة الذاكرة حتى القران الكريم سبحان الله مثلا حاجة اشوفها في الجريدة ولا التلفزيون يقراها و يكتبها ملي كان عندوا 3سنوات الان كل طفل متوحد عندوا موهبة واش لازم ديرو الان
اول حاجة تبعلوا عند طبيب مختص في الامراض النفسية و ارتوفونيست لازم تبدلوا في اسرع وقت الارطوفونيست امتكفيش
لازم الازم انتما الولدين توقفوا معاها لازم جرب تنطقواها علمولها لحروف و تركيبها مثلا ٠٠نشرب ٠٠هنا قسموها٠٠ نش٠٠٠٠ر٠٠ب٠٠٠عودوها حتى يستوعب لازم تنحولها مشاهدة التلفاز على الاكثر ثلاث ساعات منقدروش نحهولوا فجاة لان مراحش يتقبل و كذلك الطفل المتوحد حساس جيدا و يتقلق بسرعة اذا ملبتلوش طلبوا ازيد في الحركة و الصراخ لان متقدرش تهدر فتعبر عن مشاعرها بهذه الطرقة العلب تع الذكاء مفيدة تع مكعب مثلا نجمة لازم احطها في مكنها مناسب في مكعب و هكذا
ملازمش تخلها وحدها لازم تلعب وتندمج مع الاطفال اذا ممكن دخلها لروضة الاطفال
الاكل لازم تاكل كل شئ لتمدولها لازم تشد ملعقة بشكل صحيح
اشرولها كتب تع التلوين هذا جد جد جد مهم تع الخضر الفواكه الحيوانات الملابس و الاشياء ماشي تع الرسوم
اذا عن المراكز خاصة باطفال توحد اظن كاين واحد عن مستوى الجزائر لان شفت اجوه من كل الولايات كاين جمعيات نقدر نمدلك عنوين عبرالسائل الخاصة الان المنتدى لا يسمح ياعطاء ارقام هاتف و عنوين
على كل حال لازم التكفل النفسي مبكر من اجل التمدرس اكاين اقسام خاصة
كي تدها عند طبيب مختص من الاحسن تكون جلاسات هي و الطبيب وحدها برك
كاين مراكز عبر الوطن ولكن نلقوا فيها اطفال توحد و des trisomie ووووووو اسما مش مركز خاص بهم
علملها سلوك وحركات تكون مليحة تربيتهالازم تكون كطفل عادي و خاصة في طريقة التعامل علبالي بلي شئ صعيب تحسوا كان الابوب انغلقت و الحياة حبست ولا حياة من بعد عن تجربة و الحمد لله
لوكان تبع هذه النصائح ا متهملوش بنتكم و تكون عندها عناية خاصة من طرفكم حاجة الاولى تم من عند المختصين ان شاء الله تتحسن مع الوقت ماشي في سنة او سنتين لازم المداومة
وجدوا روحكم نفسيا لان هناك مختصين نفسيين يالاطف اوجهوا كلام ميقدروش مشاعر الوالدين عن تجربة
الله معكم و احسن شئ هو الاستغفار
|
شكرا جزيلا إخوتي الكرام
شكرا لكل من شاركني ولو بإحساس
شكرا لكم جميعا
ولك أختي بالخصوص جزيل الشكر
توجيهاتك جد مهمة ومحفزة ولكن بنوع من الثبات
إن كان هناك المزيد فأنا أرحب به
ملاحظة أنا أبوها شوش