الكريب التركي سهلة ولذيذة جدا كل من جربتها اعجبتها كثيراااا من دون مبالغة وحبيت نفيد منتدى الجلفة والاخوات بهذه الوصفة وادعولي العجينة: 500 غ فرينة مغرفة ك خميرة تاع المطلوع 1خميرة تاع لحلوى 8 مغارف كبيرة زيت 1 م كبيرة ملح تلميها بالماء الحشو: تشكشوكة ( بصل+طرشي+طماطم .ملح . فلفل اكحل) تقلي لحم مرحي تقطعي شوية معدنوس وتزيدها لتشكشوكة بعد ماطيب فرماج طريقة التحضير: توجدي لعجينة وتخليها ترتاح 15د امبعد شكلي 13 كورة ودهنيهم بالزيت وخليهم يخمرو 1h امبعد حليهم شوية( بالزيت) وديري الحشوة ديالك , وديري ماء فالطروف واغلقيها تطهى فوق طاجين واذا حبيتي طيبيها في مقلاة لازم ترقي العجينة شوية وطيب فوق نار متوسطة