شكرا اختي على لاتاي امممممممممممممم نموت عليه
نقولك الطريقة الاصلية للاتاي يعني طريقة الصحرا وراتهالنا وحدة صحراوية و نخدم بيها ديما يخرجلي هايل و يعجبهم
اولا صحاب الصحرا يهتممو بلاتاي يعني ميحمضلهمش لاتاي لي نشروه حنا هم يشرو في النوعية الغالية بمية الف يدير و النعناع لي يستعملوه ثاني نوعيتو خير من تاعنا
المهم انا نخدم بلاتاي لي نشروه عادي
الطريقة
اغسلي لاتاي و النعناع بماء سخون ياسر و صفيه و خليه بجيهة
ومن جهة اخرى ديري طاوة تاع ما فوق النار كي تتغلى مليح نحيها من فوق النار و ديري لاتاي و النعناع تاعك و خليه مريرة يعني لاتاي عمرو ما تشمو النار،،،،،،،،،، زيديلو السكر و بعدها جيبي طاوة اخرى كبيرة و ابداي خلطي من طاوة لطاوة و تبعدي بيناتهم و انتي تفرغي بيناتهم فهمتوني؟ و طولي تخلطي تخلطي مرات نقعد بالعشرين د وانا نخلط خاطر تحلالي ،،،،، و يبدا هداك الزبد يزيد يزيد يوللي تقول دايرتلو الصابون صح ،،،،،،،،،،، لازم كي تفرغي الطاوة وللا الكاس يبقى الزبد لاصق في جدرانها
و طريقة التقديم تعرفوها سربي في الكاس و بعدي عليه باش يطلع الزبد
كاش مرة نحطلكم الصور ان شالله