السلام عليكم كيف حالكن غالياتي ان شاء الله كامل راكم بخير المقادير: 4بيضات 100غ سكر 75غ فرينة 25غ نشاء م ص فاني م ص خميرة كيميائية الكريم باتسيير: ل800غ من الكريم باتسيير نحتاج 500مل حليب 100غ سكر 50غ نشا 3صفار بيض 50غ زبدة فاني الكريم شانتيي: 100غ كريم شانتيي غبرة 200مل حليب باااااارد 2 م ك سكر رطب نحتاج ايضا الى كمية من العجينة المورقة وممكن نستبدلها برقائق اللوز المحمصة حبات فراز الطريقة: اولا نحضر كريم باتسيير: نحط الحليب مع السكر فوق النار ونتركه يسخن من جهة نحرك صفار البيض والفاني والنشا بالفووي نحط على الخليط كمية من الحليب الساخن ونحرك ونصب الخليط على باقي الحليب ونحرك حتى تعقد ننزعها من النار ونضيفلها50غ زبدة نحرك ونغطيها ونخليها تبرد https:// نبدأ في تحضير البيسكوي اولا نشعل الفرن على 180درجة نفصل البياض على الصفار نطلع البياض مع رشة ملح كالثلج ونخليه جانبا نخلط صفار البيض مع السكر والفاني حتى يبياض الخليط نضيف الفرينة والنشاء والخميرة لي نكونو غربلناهم مرتين ونحرك ثم نضيف بياض البيض ونحرك بالعقل من فوق لتحت نفرش بلاطو بورق الزبدة ونحط الخليط انا استعملت بلطو بقياس27على30سم ندخلة للفرن لمدة10د لا اكثر لان اذا تحمر من الاسفل بزاف كي تجي تروليه يتقطع https:// بعد ما نحطو يطيب نحضر سربيتة تكون نظيفة ومشمخة شوية نحطها ونحط فوقها ورق الزبدة بعد مايطيب البيسكوي ونقلبه فوقهم وننزع ورق الزبدة لي كنا طيبناه فوقو https:// ونروليه وهو سخون كيما تلاحظو انا روليتو بالعرض لي حابة الحبة تجيها صغيرة تروليه بالطول https:// https:// نغطيه بورق الزبدة والسربيتة ونخليه لمدة10د بعدها نفتح ونحط داخله كمية من الكريم باتسيير https:// ونسطها على سطح البيسكوي ونعاود نروليه https:// في هذا الوقت نحضر كريم شانتيي نخلط المقادير السابقة مع بعض ونطلعها بالباتور حتى نتحصل على كريمة نغطي بها كامل البيسكوي رولي ونغطي الكريمة بالعجينة المورقة لي نكون بسطتها وطيبتها في الفرن حتى تتحمر من بعد نفتتها ونزين بها https:// نقطع البيسكوي رولي الى دوائر بسمك 2 ونصف سم ندهن من فوق كل حبة بشوية كريم شانتيي ونحط حبة فراز في المنتصف ونزين الجوانب بالكريمة وهذا شكله النهائي https:// عن قرب اممممم https:// https:// نتمنى يعجبكم القاطو وتجربوه في امان الله