مرانغ بالقهوة: 3 بياض البيض+ رشة ملح طلعيه كالثلج + 60غ سكر ناعم تدريجيا وتخبطي + مغرف صغيرة نشا + مغرف صغيرة مستخلص القهوة وتخبطي حتى تولي تلمع
ديريها في كيس حلواني وشكلي كيما تحبي دخليها تطيب في فرن هادئ100درجة لمدة 1 ساعة والفرن يكون مفتوح شوية هذي من اسرار نجاح المرانغ.
قاطو بالاناناس وجوز الهند:
علبة اناناس معلب تنحي الاناناس تقطعيها مربعات والعصير تحتفظي ب5 مغارف عصير جانبا
نضرب 175غ زبدة طرية + 175غ سكر عادي مليح + عصير الاناناس ونضرب + فاني + 3 بيض بالوحدة ونخبط + قشور ليمونة مع القليل من عصير الليمون + 100غ جوز الهند ونخلط+ 300غ فرينة و1 خمارة نخلط + الانانس المقطع ونخلطهم نديرهم في مول وندخلهم يطيبو لمدة 40د في فرن 160درجة
نسقيها بال5 مغارف تاع العصير لخليناه جانبا
ثم نذوب الشيكولة وندهن الوجه ونرش بسكر ناعم
او ندير قلاساج بعصير الليمون والسكر الناعم وتزوقيها بشرائح الليمون.
صابلي بالكبريس خدمت عندي اسبوعين جا روعة لظروف مصورتش الوصفة بصح ننصحكم تجربوها وخاصة حشوة الكبريس روعة تقدرو ديروها في اي قاطو
العجينة:رطل زبدة+كاس سكر قلاسي+فاني وتخدمي كيما عجينة الصابلي+رشة ملح+4 بيضات والفرينة حتى تتلم تحلي العجينة وديريها في لمول تاع ال****اج راهم متوفرين بكثرة في السوق وتثقبيهم وتطيبيهم
الحشوة:رطل كبريس تذوبيه على حمام مائيغير يبدا يذوب تضيفيلو نص كاس حليب وتخلطي حتى تذوب كامل نحيها من النار وضيفيلها كمية من حلوة الترك عمري ال****اج بالحشوة ولسقي كل زوج مع بعض وزوقي الجوانب بالشكولا
نشا الله عندي وصفات بزاف تاع دليلة راح كل ما يكون عندي الوقت نحط