[IMG][/IMG] [IMG][/IMG] [IMG][/IMG] الوصفة اخواتي موجودة في عمي قوقل تحت عناوين حلى فاخر في منتديات كثيرة وانا اعتمدت على المواد الموجودة عندنا في الجزائر وهي الطبقة الاولى جينواز بالكاكاو عادي جدا نطيبوها ونخليوها تبرد في البلا تاعها الطبقة الثانية هي 10 حبات جبن كيري مع علبة نيستلي نخلطوها مليح ونصبوها فوق الجينواز ونعاودو ندخلوها الفرن من الفوق غير شوي تشد روحها فقط الطبقة الثالثة هي نوع من القاطو يكون دائري وبه دائرة صغيرة في الوسط الطبقة الاخيرة هي عصير اناناس اي نوع موجود في الاسواق رامي مثلا ( نصف لتر فقط ) زايد علبة فلان ذوق فانيلا نطيبوه ثم نصبوه فوق طبقة القاطو الي كنا رصيناه في البلا بشكل منتظم والى الثلاجة حتى يجدم الفلون بعدها نجيبو شكل اسطوانة او كاس قد حبة القاطو ونبداو نقطعو فيه وفي الاخير انا زدت رابيت فوقه الشيكولاطا وزينت الدائرة الوسطى بجولي السفرجل الي كان عندي من قبل