كاين وصفات بزاف تاع السفنج لي بالفرينة لي بالسميد وصفتي لي معتمدتها علمتهالي جدة لي نحبها بزاف المقادير كيلة سميد متوسط الى رقيق+كيلة ناقصة اصبع فرينة+2بيض + فنجان حليب+ 1 خميرة كيميائية +قرصة ملح في صحن نخلط السميد و الفرينة في صحن اخر نخفق البيض مع الحليب و الملح و نصف ساشي الخميرة ونبقى نضيف من خليط الفرينة و السميد الى خليط البيض حتى نتحصلو على قوام ثقيل كبما البغرير فالاخير نكملو نضيفو نصف ساشي الخميرة ونخلط نخلي الخليط يرتاح شوية ملاحظة خليط السميد والفرينة رح يبقالكم تقدرو تستعملوه مرة اخرى نسخنو الزيت في المقلاة و و ناخد من الخليط مقدار ملعقة كبيرة نفرغو في المقلاة و بالملعقة نرمي الزيت فوق الحبات حتى يتنفخو مليح هنا قلبتهم ونحاول نميل المقلاة شوية باه يتحمرو مليح هنا كي كملتهم حطيتلهم العسل و راه بنين بزاف مقرمش من برى و طري من لداخل يقدموه بزاف للنافسة بالعسل الحر نتمنى جربوه وينجحلكم راني وضحت ادق التفاصيل رغم انو جدة ماعطاتنيش مقادير يعني علمتني عينك ميزانك اذا جربتوه و عجبكم ادعيولها دعوة خير