حبيت اشارك بوصفتي المفضلة للبادنجان وهي شرمولة البادنجان
تاخذي ثلاث حبات بادنجان تقشريهم وتقطعيهم مكعبات شوي صغار تملحيهم وتقليهم في الزيت يبانو كي الكبدة
منبعد تأخذي قديرة تحطي فيها الزيت حوالي 05 مغارف 05 سنينات ثوم شوي فلفل اكحل شوية كروية شوي عكري وشوية درسة تقليهم محليح وتزيدلهم كاس ماء محللة فيه ملعقة كبيرة طماطم مصبرة تخليها تعقد شوية وترمي فيها هذيك الباذنجان المقلية وتخليها تتشرب مليح وطفي عليها . وقد ماتقعد تزيد تبنان خاصة كي تبرد
وشهية طيبة