[بسمة الرحمان]

المشاركة الأصلية كتبت بواسطة سهام الامل

السلام عليكم اخواتي الكريمات مشكورين على هذه الصفحة للتعريف على الاكلات البسكرية
احنا في مسيلة بالتقريب نطبخو كيفكم بصح كاين شوي اختلاف احنا نزيدو حاجة وانتم تنقصو حاجة
هذه الصفحة بالنسبة ليا انا فادتني بزاف لانو رايحة نتزوج في بسكرة ولازم نتعلم طبخهم
احنا ثاني عندنا كسرة الشحمة بصح نفس لاصوص نتاع المحاجب وتكون فيه شحمة ميش زيت
اما على الرفيس انا اول مرة نتعرف على هده الطريقة اما الزرير انا كليتو كي رحت لورقلة وتبسة يديروه بنفس هذه الطريقة اما عندنا احنا مانديروهش
السويكة كليتها مرة كي دارو في الجامعة معرض نتاع الصحراء وهي صح بنينة
كاين وحد الاكلات نتمنى انو تزيدو تعرفونا بيهم خاصة اللي يطبخوهم ناس سيدي خالد ( خاصة تشيشة ) لانو حابة نتعلم نطبخهم
مشكووووووووووووووووووووووورين كل الشكر جزاكم الله الف خير

شكرا حنونتى ونتمنى الافادة للجميع انشاء الله
وياربى يوفقك فى زواجك ويرزقك الذرية الصالح
اما بالنسب لاكلات منطقة سيدى خالد وبسكرة هناك اختلاف نوعا ماكاين حوايج هم يديروهم وحنا لا
على كل حال راح نعطيك مقادير التشيشة نتاعنا ربما تكون كيفا
اولاالرقاق كيما لندروه فى الشخشوخة وانما ما نكثرلوش الزيت بزاف
بعدها المرق نحطو كمية من الماء فى قدر ونخليه يسخن بزاف من جهة اخرى نكون نقطع فى الخردل والفول الخضر ونهرس راس ثوم مع الملح والشحمة ونحط هالمفادير الكل فى الماء لراه يغلى ونخليهم يطيبو.
ونربو الطماطم الحب وشوية مرحية ماشى بزاف وفلفل اخضر,بعد ما يطيب الخردل والفول نزيدو نلوحو الطماطم لرحيناها مع التشيشة بعد غسلها
ونخلوها تخثار من بعد نقطع روس فلفل اخضر عليها ونزيدو الدبشة ونغلقو على النار ونسقوها كيما الشخشوخة .
وبالصحة والهنا ليك اذا جربتيها وربى يهنيك انشاء الله.
السلام عليكم.