[rowaida18]

المشاركة الأصلية كتبت بواسطة ام هزار

بارك الله فيك اختي رويدة على هده المبادرة الجميلة و المحفزة في الوقت نفصه
لي عودة لقراءة الموضوع بتمعن و تامل شكرا مرة اخرى

و فيك بارك أختي أم هزاز إن شاء الله نحفزو بعضنا البعض لما فيه صلاح ديننا و دنيانا.

المشاركة الأصلية كتبت بواسطة جهينة اليقين

السلام عليكم*
اولا الشكر موصول* لحبيبتي ام هزار على ابلاغنا بافتتاح دورة جديدة*
ثانيا اختي رويدة بارك الله* على المبادرة الطيبة وجعلها الله في ميزان حسناتك* جات في وقتها لاني مازال ما بديت في التنظيف* ربي يعيننا**
اللهم بارك لنا في شعبان وبلغنا رمضان*

و فيك بارك أختي جهينة حتى أنا عندي خمسة أيام منين بديت و إن شاء الله سنتعاون في هذه الجلسة الطيبة.

المشاركة الأصلية كتبت بواسطة قرويجة

السلام عليكم

تحياتي ليك أختي رويدة و أم هزار و جهينة اليقين

شكرا على الدورة إن شاء الله راح نحمسو بعضنا في إنتظار دخول الأخوات

أنا راني بالحمل في شهري السابع وتعبانا منقدرش نظف كل يوم غرفة راني نخدم نهار و نريح نهار باش منتعبش

أدعولي ربي يسهلي ويعيني أنا وجميع المسلمين

اللهم بلغنا رمضان لا فاقدين ولا مفقودين

تحياتي ليك أنتي ايضا أختي قرويجة .و بالنسبة للتحضير ما تتقلقيش راهو بسيط و ما تتعبيش روحك بزاف ، أبداي بالثلاجة لأنك رايحة تحتاجيها باش تبداي تخبي في المجمد شيئا فشيئا ، لا أنتي تتعبي و لأا زوجك تتعبيه معاك و سأفصل في هذا الموضوع ...المهم أبداي الآن بالثلاجة و من بعد أبداي بالخزائن و الرفوف في المطبخ( لاكن بالعقل يعني رتبي الأشياء اللي فيها هكدا تعرفي واش خصك و تتخلصي من الأشياء الغير مفيدة) ثم في الأخير الحيطان (أخدميهم بلاستعانة بالفروتوار و المنشفة مالفوق و في الأسفل أخدميهم عادي ......المهم ما تطلعيش فالكرسي و تباصينا ههههه )و يكون اقترب شهر رمضان إن شاء الله و بلا ما تعبي روحك بزاف ...و الغرف الأخرى نظفي فقط الأشياء اللي متسخة كثيرا و انزعي الغبار و العنكبوت و الطاشات و البقع الظاهرة (يعني تنظيف خفيف لأنك ثقيلة) ووزعي هذه المهام على عدة أيام على حسب الأولوية فقط، و هكذا تكوني قمت بالواجب اللي عليك .....و بعد رمضان إن شاء الله كملي التنظيفات اللي بقاتلك شيئا فشيئا..و ربي يسلكك بخير أن شاء الله.

المشاركة الأصلية كتبت بواسطة حياتي كلها امل

السلام عليكم بوركتي اختي رويدا وجزاك الله كل خير انا بدات في التنظيف لكن تركت المطبخ هو اخر شيء لكي يبقى نضيف عند شهر رمضان وشكرا على المقدمة الرائعة حقا يجب ان يكون رمضان انطلاقة لتغير الامور السلبية وانطلاقة لمراجعة علاقتنا بالله ولتنظيم حياتنا اكثر
اختي قريوجة ربي يسلكك على خير اخدمي قيسك وبلعقل ومور ماتولدي يفتحها ربي سبحانو

و فيك بارك أختي حياتي كلها امل ...و أنا سعيدة لأن المقدمة لم تكن ثقيلة عليكم و أردت ان أختصر ما استطعت و نجعلها معا بداية جديدة نجعل فيها حياتنا كلها لله و ليس فقط العبادات ....بل نعمل و نتعاون معا لننشر هذه العادة بأن نستحظر النية في كل أعمالنا لله و ما لا يفيدنا في آخرتنا نبدأ في التخلص منه إن شاء الله .....و نبذل في ذالك كل ما بوسعنا......

المشاركة الأصلية كتبت بواسطة crono

السلام عليكم وصبحكم الله بكل خير
اللهم بك اصبحنا وبك امسيناوبك نحيا وبك نموت واليك النشور
بارك الله فيك اختي rowaida18على هده المبادرة الشجاعة اللي نحيك عليها
جا في وقتو بالاستعداد للشهر الفضيل.رانا بحاجة لموضوع
يجمعنا من جديد ونتشاركو فيه تحضيراتنا وتجاربنا اكيد باذن الله نحاول نتفاعل مع هذه اللمة الطيبة كلما سنحت لي الفرصة
فرحت كي لقيت الفراشات دخلو
التنظيفات مازال شوية راني كيما السلحفاااااااااااة
اول شيء نعملوه للاستعداد لشهر رمضان هو شد الهمة للعبادة وكسب الاجر الكبير في هذا الشهر
تثبيت الموضوع في انتظار التحاق بقية الفراااشااات نبداو نشاطناان شاء الله اختى أم شمسو تكون بخير
لي عودة لقراءة الموضوع
يوم موفق للجميع .

و عليكم السلام و رحمة الله تعالى و بركاته أختي كرونو
بارك الله فيك و جزاك الله خيرا على تثبيت الموضوع ....و إن شاء الله نتعاون على صلاح ديننا و دنيانا ......

كما قال النبي صلى الله عليه و سلم: ((اللَّهُمَّ أَصْلِحْ لِي دِينِي الَّذِي هُوَ عِصْمَةُ أَمْرِي، وَأَصْلِحْ لِي دُنْيَايَ الَّتِي فِيهَا مَعَاشِي، وَأَصْلِحْ لِي آخِرَتِي الَّتِي فِيهَا مَعَادِي، وَاجْعَلِ الْحَيَاةَ زِيَادَةً لِي فِي كُلِّ خَيْرٍ، وَاجْعَلِ الْمَوْتَ رَاحَةً لِي مِنْ كُلِّ شَرٍّ))رواه مسلم


بالنسبة للتحضيرات راني مازلت فالمطبخ ......راني كل مرة نجبد بلاكار و نظفو و نفرزو لقيت حاجات كثيرة مخبيتها و حاجزة المكان و أنا عندي مدة طويلة لم أستعملها........فاشتريت علب كبيرة من البلاستيك الشفاف ( لأنه يسهل عليك رؤية الأغراض بالداخل بلا ما تفتحيهم) و لميت فيها الحاجات التي نادرا ما أستعملها مع بعض في علبة و الحاجات اللي نستعملها فقط في المناسبات أيضا حطيتها مع بعض ...و وضعتهم في أعلى الخزانة ......و بالتالي ربحت مساحة كبيرة في الرفوف سهلت عليا بداية تنظيم مشتريات الشهر.....إن شاء الله