هذ المدلان حبيت نقدمو للبنات الي بداو يتعلمو خاطر مضمون وساهل و يمدلهم ثقة في النفس امثال اختي الصغيرة اخر العنقود وروزا بنت ام ماجد والزهرة بنت ام ياسين وكل المبتدئات نحب نشجعهم بدون اطالة نبدأ 3بيض بحرارة الغرفة رشة ملح فاني خلطي مليح في الخلاط او بالباتور زيدي 130سكر عادي ثم140زبدة ذايبة وباردة تكوني مغربلة150غ فرينة مع باكي خمارة وتزيديهم وتخلطي بالمغرف عمري في كيسات المادلان ثلاثة ارباع اي شوية فوق النص وطبعا في لي مول تاع المادلان و غطيه ودخليه للفريجيدار ساعة الى ساعتين لازم ساعة او فوق الساعة قد ما يطول قد ما يجي خفيف وما يفوتش ساعتين عندك تنساي روحك تروحي للنت ولا التلفزيون ولا ولا ههههههههههه ريقلي ساعة الفور تصوني في هذ الوقت نقي المواعن تاعك ووجدي صينية القهوة تاعك ورجعي المطبخ يلمع وكأنك ما خلطتيش قاطو تدخل الماما تقول خموس على بنتي سعد الي يديرها في دارو ههههههههههههههههههه نرجعو للمادلان تاعنا سخني الفرن تاعك ودخليها اطيب يجي خفيف يشبه للاجينواز وذوق روعة ويمدولك العلامة الكاملة وانت حرة في التزيين حتى بدون تزيين يعجب ممكن تظيفيلو مغرف عسل في الخليط تمدلو بنة روعة ويسقسوك على السر في البنة سلاااااام اوعدوني تجربوه