اقتباس:
المشاركة الأصلية كتبت بواسطة x ام رحاب x
اهلا للملتحقات واش راكم كلكم شاطرات ماشاء الله عليكم كل وحدة باسمها
اسماء بصحتك البركوكس
قناة الدعوة صباحك عسل وتسلمي على التذكير اختي والله لازم انذكرو بعضنا لبعض في هاد الركن باه ماننساوش الروحنا
دائمة الحمد القاطو هايل وبريزونتابل
ام وسيم بصحتك كلش هايل
ام لجين حلوياتك هايلين
زهرة كلش من يديك فوووووووور
|
ام رحاب الله يسلمك حتى اطباقك تشهي يعطيك الصحة
اقتباس:
المشاركة الأصلية كتبت بواسطة ome loudjeine
صباح النور.
ام وسيم واش احوالك اليوم.ديري سوب ولا ديري مرق بالخضر ولا ديري قراتان في الكوشة زيديلها فرماج لاكان عندك وشوية حليب وبيض.
ولا ديري شكشوكة لاكان يحبوها واللوبيا الخضراء فوريها وديريها سلاطة مع شوية ثوم ومعدنوس.
|
ام لجين بارك الله فيك بالاك ندير سوب البرد راه يقتل
اقتباس:
المشاركة الأصلية كتبت بواسطة scorpionoir
احلى صباح لاحلى شلة
مبروكة الكوزينة ام ندى هاكي باروكي
ان شاء الله صبحتو بخير كامل .الباتنيات والسطايفيات اطهلاولنا في الثلج زخليولنا منو شوي نجيو نلعبو حتى حنا في قسمتنا هههههههههه
غدايا قريب يوجد عيييييييييييييييييييييييش لزوم البرد
راح ندير كروكي الشطرنج لام الجود لقيت عندي غير فلون شيكولة
نقدر ندير بيه والا لازم الفاني شكون جربت بالشيكولة
|
يعطيك الصحة يا شاطرة غداك قريب يوجد و انا مازالني نخمم واش ندير لصحتكم العيييش مع البرد اممممم