[ام رويدة]

السلام عليكم ورحمة الله وبركاته
كنت حطيت في جزء واش طيبتو اليوم وصفت لحلول رائعة وأردت أن أضعها في موضوع حتى تعم الفائدة

مربعات الليمون وجوز الهند

250غ زبدة.300 غ سكر عادي.5بيضات. 200غ ميزينة .200 غ فرينة.1 خميرة كمياءية.فاني.عصير ليمونة.مبشور ليمونة..أي القشور

نخدم السكر والزبدة مليح بالباتور ونضيف البيض حبة حبة حتى يتجانس الخليط نضيف عصير الليمون والمبشور ونخلط ومبعد نضيف الفاني و الفرينة والميزينة والخميرة حتى نتحصل على عجينة طرية نبسطها في سنيوة مدهونة جيدا بالزبدة ومرشوشة بالفرينة أو نفرشو ورق الطهي علاه خاطر تلسق

نحطها تطيب على 180درجة حتى يحمارو الجوانب نشعل من فوق مدة 5دقايق


نحضر الكريمة ب300 غ سكر ناعم وعصير حبة ليمون .2 ملاعق بياض البيض

نضرب البيض بالفرشيطة نضيف القارص والسكر ونخلط نتحصل على كريمة بيضاء يمكن تذوقيها وتضيف القارص ادا حبيتيها قارصة أكثر
انا درت حبة كبيرة نوعا ما وجات مممممم ذوق الليمون باين والحلاوة معدلة معاه

بعدما يبرد القاطو نبغطيه بالكريمة ونرش كمية مليحة تاع نوادكوكو فالصورة الأصلية غير نوادكوكو انا خلطت معاه شكولا بيضاء مبشورة
نخليها تنشف ونقطعها مربعات أو معينات وما ننساش صحاباتي في الجلفة








مربعات الشكولا جوز الهند

250 زبدةدايبة وباردة،كأس كبير سكر ناعم.130غ نوادكوكو.2بيض.1 خميرة كمياءية.4 مغارف كبار كاكاو.1 خميرة كمياءية فإني

للتزين 3 مغارف عصير ليمون 150غ معجون مشمس
تحطي في إناء المواد الجافة كااامل تخلطيهم ديري حفرة وفرغي الزبدة حكي مليح حتى تتجانس مع النواشف ومبعد طمي بالبيض المخفوق تكون ضربتيه شوية
وطمي العجينة وحليها في مول 40على 20سم ودخليها تطيب 180درجة من 20 ل25 دقيقة

لتزيين ذوبي المعجون مع القارص وحطيت على الحلوى وخليه ينشف شوية ثم فرغي الشكولا الذايبة وزيني كما تحبي انا زينتو ببيستاش مرحي ...كي تجمد الشكولا قطعيه مقروطات ولا مربعات

القاطو هدا تاع امي الحبيبة ربي يحفظها دارتو اول مرة في نجاحي في شهادة التعليم المتوسط وبقينا نديروه ونموتو عليه ويليق حتى مع العصائر فالمناسبات



ردودكم ودعواتكم تسعدني...السلام عليكم