خبز الدار janah
خفيف مايتشبعش وساهل ومضمون
3حبات بيض
نصف كاس زيت
2 ملاعق سكر
ملعقة ك خميرة الخبز
ساشي خميرة الحلوة
فاني
ملح
2 كسان حليب اكون دافي
في صحن خلطي الكل السوائل وزيدي معاهم لخميرة الخبز باه تذوب فسوائل خلكيهم مليح بالباتور
وزيدي واحد كلغ فرينة علي حسب الكاس وزيدي خميرة نتاع القاطو
خلطي من غير ماتعجني بملعقة خشبية رح تتحصلي على عجينة تلصق خليها في نفس الصحن وغطيه بكيس
وخلي العجينة تتخمر نصف ساعة في مكان دافيء
وادهني بلاطو الفور بالزيت ويديك تاني على خاطر راهي تلصق
وحليها وادهنيها بصفار بيض ثم الجلجلانية
زيدي خليها تتخمر مرة تانية ربع ساعة في مكان دافء وهدا امر مهم ويعمل فرق ثم انقبي القرصة بفرشيطة ودخليها تطيب
ماتاخدش وقت كثير
وبالصحة والهنا
جربوه وردولي بالخبر