السلام عليكم الكريمة المحروقة creme brulee من اشهر انواع الكريمات، ظهرت اول مرة في فرنسا في القرن السابع عشر الكريمة اللذيذة مع طبقة الكراميل تعطي ذوق رائع المقادير ل4 اشخاص 2صفار بيض 40غ سكر او2ملاعق كبار ماشي معمرين بزاف 1ملعقة صغيرة فاني 200مل كريمة سائلة ممكن تعوضيها بعلبة كرام فراش 75مل حليب سكر بني واذا ماكانش سكر عادي التحضير نخلط الكريمة السائلة مع الحليب ونحطهم فوق النار بواسطة خلاط يدوي نخلط مليح السكر مع صفار البيض والفاني حتى يتجانس الخليط ننزع الكريمة والحليب من فرق النار واذا كانت تغلي نخليها تبرد شوية باش ماتطيبليش البيض نفرغ الكريمة على البيض مع التحريك جيدا حتى تبرد شوي نحط الكريمة في اواني تاع الفرن ونحطهم داخل سينية ونفرغ في السينية ماء ساخن حتى يتغطى نصف ارتفاع لي غامكان باش نطيبهم في بان ماغي نحطهم في الفرن نكون سخنتو من قبل ونخليهم يطيبو مدة 35دقيقة لما نخرجهم ونحركهم تكون الكريمة في الوسط مازالت ترجف نخليها تبرد تماما ثم ندخلها للثلاجة ساعتين على الاقل لما نجي نقدمها نخرجها من الثلاجة نرش عليها طبقة من السكر البني ونحرقو بشاليمو واذا ماعندكش شاليمو شعلي الفرن من فوق ودخليها حتى يحترق السكر وتتشكل طبقة الكراميل خليها تبرد 2 او 3 دقائق وقدميها بالصحة ناكد فقط ان طبقة الكراميل لازم نديروها وقت التقديم لانو مانقدروش نرجعوها للثلاجة