اقتباس:
المشاركة الأصلية كتبت بواسطة wafa.wafa
يبان لذيذ يا ريت تعطينا الوصفة ولك منا جزيل الشكر
|
حاضر
أنا فرحانة لأن الوصفة نجحت و الكل عجبهم
حضرت درسة فيها ثوم وتوابل (أنا ما نحطش الفلفل لأسود لأسباب صحية )أنحط الزنجبيل صحي و فيه حرورة،الكمون،المعكر الحلو و قصبر مرحي و معدنوس
مع الزيت و الملح الكمية حسب العائلة ديالك
أنحط أطراف الدجاج في هذي الدرسة من الأحسن خليها ساعة
قشري البطاطا و قصيها دوائر
تنزعي اللحم و إلّا الدجاج من الدرسة و تحطي البطاطا تخلطيها بالدرسة مليح و تحطي الكل في بلا تاع الفور مدهون بالزبدة و ما تبقى من الدرسة زيدلها حوالي كأس ماء
إذا حبيتي زيدي نصف بصلة مقطعة شرائح وحبة طماطم و كأس الماء وحطي قطع من الزبدة من الفوق ودردري شوية كمون و الخطوة اللي خلات الأكلة تجي بنينة هي لما غطيتها بورق القصدير( الألمنيوم ) وخليتا حوالي نصف ساعة
طليت عليها وزدت ربع ساعة
نحيت ورق الألمنيوم وشعلت م الفوق باه تتحمر