نظرا لطلب الاخوات لوحدات صدور كروشيه من مجلة شاهيناز هده الوحدة للفستان رقم19 https://i62.servimg.com/u/f62/12/22/75/41/1910.jpg و اليكم التطبيق تاع الفستان الابيض https://i62.servimg.com/u/f62/12/22/75/41/1810.jpg السلام عليكم اول حاجة نشرحلك كيفاش تبداي ديري سلسلة فيها 10 غرز اغلقيها و ديري فوقها سطر ماي سيري 12 غرزة و من بعد في السطر الثالث ديري 1 ماي بريد و 1 عرزة سلسلة و 1 ماي بريد و 1 سلسلة حتى تخلصي كيتحسبي الفراغات بين لي ماي بريد تلقايهم 12 في السطر الرابع ديري في الفراغ غرزة ماي بريد و من بعد سلسلة فيها 20 غرزة و زيدي ماي بريد في الفراغ التالي و 20 غرزة سلسلة حتى تكملي في السطر الخامس ابداي تعمري هادوك السلاسل ب لي ماي سيري في كل سلسلة ديري 20 ماي سيري و دوري حتى ديري 8 اسطر ماي سيري في السطر التالي اخدمي 10 مي سيري و من بعد ديري سلسلة فيها 9 غرز واحكميها في منتصف ال 20 لماي سيري التالية بغرزة و زيدي ديري 9 غرز سلسلة و احكمي في منتصف 20 التاليين الوردة راح ادور و حدها شوفي الصور لي راح نحطهملك و طبقي بالتوفيق من بعد ان شاء الله نحطلكم الشكل النهائي