[ريان صويلح]

السلام عليكم حبيت اليوم نعطيلكم وصفة تاع بوسو لا تمسو بالقارص ... والله في كل مناسبة نديرها ومكانش وحدة ذاقتها وماقالتليش اعطيني لا روسات تاعو ///اسمحولي برك الصور ماراهمش واجدين لمرة لجاية ان شاء الله نصورهم ونبعثهم///
نبداااو بالمقادير :
العجينة :
زبدة لابال (500+250) وماتتخلعوش منها يجي رووووعة ويقطططططع بزااااااااف ويلا حبيتو ديرو نصف الكمية
4 بيضات
كاس و نصف سكر غلاصي
كاس نشاء
مبشور حبة قارص
عصير حبة قارص
1 خميرة
فرينة
للتزييين:
(ماء زهر+عصير قارص)
سكر غلاصي
التحضير :
نخلط الزبدة و البيض و السكر ثم عصير القارص ثم المبشور و النشاء مع الخلط عند كل إضافة ومبعد نضع الخميرة مع الفرينة
حتى نشكل عجينة طرية ..... نشكل حربوشا نقطعو مقروطات متوسطين (نديروا حساب الخميرة في الفرن ) و نستفوهم في سنيوة مرشوشة بالفرينة و نضعهم يطيبو 180 درجة مع العلم انهم مايديوش وقت بزاااف للطياب
بعدما يطيبو نخرجوهم ونخليوهم يبردوا تماماثم نغطسووهم في (ماء زهر + عصير قارص) ثم نرمدوهم فالسكر غلاصي
ولا حبيتو تقدروا تديرولهم غلاصاج ... من الأفضل ترميدهم بالسكر غلاصي مرتين
لأي استفسار راني فالخدمة
مع انتظار ردودكم /// وبالصحة والهنا