شوف خويا انا ما نعرفش الملف كامل اتصل بمديرية الشؤون الاجتماعية التابعة لولايتك تعطيك معلومات اكثر المهم هذا مشروع مستحدث الشخص بعد ما يبوزي الدوسي نتاعو و يدرسوه عندو شروط لازم يكون جامعي و لا ليافسي يعني عندو شهادة بالاضافة لشروط اخرى كالاولوية لمتزوج و الكبير في السن وووو..... اذا قبلولك الدوسي لازم عليم تجمع 7 عمال على الاقل توفرلهم المعدات باش ينقو حي من الاحياء
المصاريف على حساب واحد السيد يخدم ثم قالي :
- 4 ملايين حق الضرائب شهريا
- مليون و 800 لكل عامل شهلرية
- و على ما اتذكر 800 الف حق الضمان الاجتماعي لكل واحد طبعا
هاك تكون خسرت في الشهر حوالي 24 مليون و هوما يفارسولك في الكونت نتاعك 30 مليون شهريا و تكون انت كسبت 06 ملاين ربح كل شهر
المشكل واهو انو لازم تخدم من نيتك ماشي غير تجمع خدامة و تقلهم عندكم الشهرية و لاسورانس و مبعد ما تجوش قاع هنا يدخل المحال و تكون تغش ربي يوفقك