[رحيق الايمان]

الملتوخة وصفة تقليدية معروفة في ولاية تبسة نديروها كي نلبسو للمزيود في 40 يوم و كاين الي يلبسوه في السابع و كي نحففو ليه كي يقفل عام وكاين الي يديرها في مناسبات اخرها المهم وصفة مليحة جربتها و جبتلكم معايا تذوقو
راهي ساهلة تتدار بالكسرة الحرشة او ما نسموها كسرة بوشقوف والكسرة هذه نديروها ب 4 كيلات دقيق عادي و لا احرش نبسوها بكيلو سمن و نبلوها بالماء و طبعا ما ننسوش الملح تتلم و ما تتعجنش نطيبوها في طاجين مسرح وكي طيب نفتفتوها مليح و نعقبوها في السقاط باه نحو الكعبات الكبار من بعد نضيفولها الغرس و الي يحب معاه زيت زيتونة والزبدة و نعجنوها مليح و نقصوها معينات