عدنا غالياتي مع درس جديد من مدرسة فنون الطبخ نتأسف لتأخرنا ... الظروف كانت اقوى منا اليوم راح نبدى بوصفة سهلة تصلح لسحور او حتى فطور رمضان هو بريوش اسباني لذيذ جدا نتمنى ينال اعجابكم و نتمنى تفرحونا بتطبيقاتكم و اعدكم بوصفات جميلة و جديدة مستقبلا باذن الله البريوش الاسباني( انسيمادا ) مقادير العجينة كاس حليب دافئ 2 بيض ملعقة اكل خميرة خبز 3 ملاعق اكل سكر فانيلا بشر ليمون او برتقال ملعقة زبدة طرية فرينة بالتقريب 500 غ ملح طريقة التحضير نطلع الخميرة مع الحليب و السكر حتى تتشكل فقاعات و نتاكد انه الخميرة فعالة نزيد باقي المكونات تدريجيا حتى تتكون عندنا عجينة طرية و تلصق في اليد نخليوها تخمر حتى تضاعف الحجم نقسمو العجينة على شكل كرات صغار و نخلوهم يرتاحوا نحلوا الكرات بنفس طريقة المسمن بمساعدة الزيت او زبدة ذائبةو ممكن استعمال الحلال كل ما تكون العجينة رقيقة يكون البريوش احسن ندهنو سطح العجينة بالزبدة الطرية و ممكن نرشو مكسرات او سكر نشكلو البريوشات على شكل محنشة ندهنوهم بالحليب او البيض و نخلوهم يخمرو ملييييح نطيبوهم في فرن سخوووون مسبقا بعد مايطيبو نرشو عليهم سكر ناعم السكر الناعم هو احسن شيء يتماشى مع هذا البريوش و هنا الصور توضح الطريقة احسن هذا البريوش خفيف ولذيذ جدا رائع لسحور رمضان او حتى للفطور للناس لي تحب تفطر بالحليب خاصة . نتمنى جربوه و يعجبكم غالياتي[/COLOR][/COLOR][/SIZE]