[crono]

المشاركة الأصلية كتبت بواسطة fifiarch

مساااءكم خير وفل وياسمين
واش راكم اخواتي
جيت وجبتلكم الدرس الثالث والاخير لورشتنا
بعد المشوار الحافل لي كنا تتبعناها طيلة شهور مع انجاز الكوفرولي والمخاد

صحيح انو مازال الاخوات ماحطو الاعمال لكن معليش
اكيد الاهم اننا نكملو ومبعد نحطو العمل كامل مع بعض ونفرحو بيه
وحتى لا ننسى هنا روابط الدروس السابقة

الدرس النظري

https://www.djelfa.info/vb/showthread.php?t=863414

الكوفرولي
https://www.djelfa.info/vb/showthread.php?t=953075

المخاد
https://www.djelfa.info/vb/showthread.php?t=982480

واليوم على بركة الله نبدا مع اخر درس

النابات والعلاقات

اكيد كيما موالفين انا نعطيلكم الاساس وكل اخت وذوقها تقدر تغير وتعمل الاضافة لي تعجبها

نبدا على بركة الله مع النابات
اولا نحضر الادوات اللازمة للعمل
قماش ساتان بلون الكوفرولي
القماش نتاع التيلو اللامع
الدبلة بلونين
دبلة عريضة من لون متناسب مع الالوان المستعملة
دونتال


نبدا اولا باختيار شكل الناب على حسب الحاجة
انا اخترت الشكل الدائري للشرح
نقص الساتان والتيلو اللامع بنفس الحجم للناب المرغوب فيه

بعدين نخيطوهم فوق بعض بالابرة والخيط هكاك برك باه يحكمو بعض



نجيبو الدونتال وندورو بيه الناب ونثبتوه بالابرة والخيط



نحضر ضفيرة الدبلة بطول يكفي محيط الناب



مبعد نخيطوها فوق العمل السابق
لكن هاذ المرة بماشينة الخياطة
وهكا تتثبت مع بعض مليح



بعدين نحضرو وردات صغار ووحدة كبيرة
وهنا كل وحدة ورغبتها في التزيين تختار الشيء لي تحب هي تزين بيه



انا هنا ثبتهم بهاذ الشكل في الناب



مبعد كملت بقية اشكال النابات لي نحتاجهم للغرفة نتاعي
وهنا نكون كملت المجموعة
ان شاء الله تكون عجبتكم
وحطيت معاهم العلاقات نتاعهم
انا لانو خدمت الكوفرولي بالطرز خدمت هاذوك العلاقات فيهم االوان يخرجو مع الطرز
وهنا رابط طريقة العمل
حطيتهم درس في دورة الطرز
ان شاء الله يكونو عجبوكم
https://www.djelfa.info/vb/showthread.php?t=1001257



والان ننتقلو للعلاقات
نحضرو اولا الادوات



نجيبو زوج غلاقات ونلصقوهم في بعض بالسكوتش



نبداو التغليف بالدبلة
نثبتو الدبلة من احد الطرفين
اما بالسكوتش
واما نحرقوها شوي ونلصقوها لانو الدبلة فيها البلاستيك كي تتحرق تلصق



مبعد نبداو في التغليف بهاذ الشكل بحيث ندورو بالتخالف
ونشكلو شكل x من فوق وتحت



حتى نتحصلو عليهم مغلفين



مبعد نجيبو لانو ونغلفوه ونعملو وردات بالدبلة



الان نلصقو الوردة من فوق ونجيبو خيط الصنارة ونعمرو السمسم ومبعد نلصقو في الانو



ومن اسفل نفس الشيء



مبعد نزينو من فوق الانو بوردة

ونزينو بالعقاش وكل اخت واش تحب تعمل

نتحصلو على علاقتنا هكا

نتمنا تكون نالت اعجابكن



بهذا اخواتي نكونو انهينا الدروس التطبيقية لورشة انجاز تروسو سموكس
نتمنى اني نكون توفقت في ايصال المعلومة لكن
ان شاء الله تكونو استفدتو من الدورة
لن اطالب بالاعمال الان
كل اخت لما تكمل عملها تحطو كاملا لابداء الراي فيه
سيترك الموضوع مثبتا قليلا
للنقاش
ومبعد نغلقوه
ونفتحو موضوه فيه روابط الدروس كاملة ليكون مرجع لباقي الاخوات
بالتوفيق للجميع

بارك الله فيك ويعطيك الصحة
مجهود كبير تشكرين عليه
مشكلة في الصور
مانعرف علاه مغرجوليش
الف شكر مرة اخرى