ريم الفلى
الكسكس القبائلي او المقفول
الكسكس الكمية تاعو على حساب عدد افراد الاسرة كل واحد منهم بكاس تاع قهوة حليب عادي والخضر حسب الموجود انا استعملت كاس جلبانة خضراء مش هاديك اليابسة لالا كنا شرينا منها كميات كبيرة نقيناها وخبيناها في الكزنجيلاتور مع 4 حبات زرودية 3 حبات بطاطا وحبة لفت وحبتين جريوات وفي وقت الفول ندير الفول لخضر مقطر رقيق
اغسلي الكسكاس وخليه ينشف وفوريه المرة اللولة في هاداك الوقت نقي الخضر واغسليها وقطعيها مربعات صغيرة وكي تنحي الكسكس حطيها في الكسكات تفور من بعد ما يبرد الكسكاس زيديلو الماء والملح والقليل من الزيت ونحيلو الكرابع بيديك وعاودي رديه فوق الخضر يفور للمرة الثانية ونحيه وعاودي زيديلو الماء والزيت ورجعيه يفور للمرة الثالثة في هاد الوقت طيبي البيض في الماء من بعد ما يفور ديريلو زيت الزيتون بكمية معتبرة واللي ميحبش ممكن ديري زبدة عادي مثلا ستار وزينيه بالبيض المغلي وياكل مع الرايب وشهية طيبة