[عماني نور]

السلاااااام عليكم ،،

راني وليييت بعد غياب طويل ، اسمحوووووولي علابالي وعدتكم مانطولش و ماوفيتش بالوعد الله غااااالب والله فوق طاقتي .....

تحية لكل من ستمر من هنا ،، و تحية خاااااصة جدااا لأوفياء موضوعي هنا : https://www.djelfa.info/vb/showthread.php?p=1054739784

كنت وعدتكم بوصفات خاااصة بشهر رمضان ،، ربي يعيدو علينا و عليكم بالصحة و الهناء ان شاء الله

و جيتلكم معايا اليوم محاربة العطش المشرووووب المفضل عندي : الشاربات .... عصير الليمون .... شاربات الليمون


كل واحد واش يسميها ... المهم انتوما فهمتو واش راني نقصد .....

الوصفة ساااهلة ماااهلة .... مقاديرها تاني ماشي مكلفة و النتيجة صدقوني أرووووووووووع من الروووووعة

صحية ،، مضمونة ، بنيييييييييينة خاااااصة كي تكون بااااردة مممممممممممم نروح نشرب شوية اتشهيتها ههههههههه

يااا خاوتي الي يشرب يشرب ظوووكا ...... 17 ساعة صيام الله يكون في عووننا ياااااااااااارب

المهم ... باش مانطولش عليكم :

المقادير :



1 كيلو ليمون أصفر أو أخضر مايهمش

500 غ سكر عادي و الكمية قابلة للزيادة أو النقصان حسب الذوق

أول حاجة ، نغسلو القارص ملييييح ،، نمسحوه يعني انشفوه ....

نبشروه .... " نسكرفجوه " ...... و نحتافظو بالمبشور ... (( نسكرفجوالكيلو كااامل ))








نخلطو مبشور القارص مع السكر ... و نحتفظو بيه في جهة

و من جهة أخرى نعصرو حبيبات الفارص الي عريناهم


نصفوه و نخلطوه مع السكر و مبشور الفارص الي احتفظنا بيهم ....


ندلكو بكف اليد ... حتى يذوب السكر


نغطو الإناء ... بكيس غذائي ،، أو نحتفظو بالخليط في علبة محكمة الغلق

نحطوه فالثلاجة ليلة كاملة ..... أو اذا درناه الصبح ... نحلوه حتي لليل

كل فترة و فترة .... لازم نخلطو بملعقة خشبية .... باش يذوب كااامل السكر

بعد مرور الوقت ....

نصفيو الخليط ...... انا هاذ الخطوة ماصورتهاش ... لأني جربت الكيفية من قبل و ماصورتش .... حتى شربتها و عجبتني باش عاودتها و صورتهالكم ^^ بصح نظن حاجة مفهومة

نحتفظو بالخليط في علب مخصصة للتجميد ....


أو فالكيسان جوتابل ... هادوك الصغار .... نغلفوهم مليح بالبابيي فيلم ... و نحطوهم فالمجمد

كي تسحقي .... خلطي برك ،،، 1 ل ماء بارد ... مع كاس صغير من الخليط

و أنتِ و ذوقك ... تحبي تزيدي ... تحبي تنقصي

في كل الحالات .... الذوق روووووعة رووووووووعة روووووووووووعة

سهل ، اقتصادي ـ و أهم حاجة صحي و مضمون واش فيه و كيفاش اتخدم


يا الله نستنى تجاربكم ،، نتمنى تعجبكم النتيجة

صح رمضانكم ،، صح سحوركم و فطوركم ..... و ان شاء الله كل عام و انتوما بخير