[بوبكر بن علي]

المشاركة الأصلية كتبت بواسطة فاطمة شلف

العيشة صعابت ومرارت معاك
ولي مبنية على الخدع مايدير الدار
بعتني وحرقت قلبي وعيني شافتك
ونسيت عشرة السنين وانا للعذاب صابر
عمري ماقريت الخدع فيك
ونسيت العاهد لي بيناتنا وليت نكار
ضاع صغري وعمري فنيتو معاك
ماضنيتك تبدلني برخيسة جنب الدار
خليتني والفتك مانقدر من قلبي نخرجك
تعرف بلي قسمت الكبدة وفراقك نجبر
حاول تفهمني اذا مابقيت معاك
تمزقت الكبدة ونحرق قلبي بالجمر
راني من التخمام مريض شاب الراس هالك
نبات نتكلم والدمعة كيف الواد سايلة تجري
كلامك شق صدري راني فالهلاك
واش من عيشة بقات غير لمرار
راني نادم على ليام لي فوتها معاك
ضيعت حياتي وايامي وانا صغير
خليت القلب مشطون معلق بهواك
نبات نفكر ماعندي قدرة باه نصبر
ماني راضي بفعايلك ربي يحاسبك
راك تندم وتخسرني طول العمر
شحال من مرة نكتم في قلبي ونسامحك
ولي فيه طبيعة محال ينضعر
طيحت كرامتي ورخست سومي معاك
حتى قلبي ساوموه الشراية ونحقر
سامحتك اذا سامك الله
لزم تعرف مشي انا لننذل معاك
كبادي سباب وجودي محال نخسر
يالي غاويتك الدنيا خاف مولاك
مادوم الدنيا وماندو غير شبر

بقلم فاطمة شلف

كبادي سباب وجودي محال نخسر
مادوم الدنيا وماندو غير شبر
الله الله والله لقيت روحي نلحن فيها راي ههههه
ما اجمل نظمك ومفرداتك الجميلة والصور الرائعة...الم اقل لك يوما انك تمتلكين الموهبة وستفجرينها يوما ما ويضاع صيتك
بارك الله فيك اختي فاطمة....الله يجبر خاطرك ومادام صهيب وخاوتو لاتخافي....ربي معاك شاعرتنا
تحية تقدير