[mascara]

المشاركة الأصلية كتبت بواسطة rafika1988

شكرا لك اخي .........................
حنا في عنابة مش كيما المدن الاخرى حسب ما قرات من المشاركات فمثلا .....الاعراس عندنا في سير الايام معناها ما كانش يوم محدد لاعراس وخصوصا في الصيف على خاطر نعملوا الاعراس في لا صال (قاعة الحفلات) مش في الدار ..... قبل العرس بيوم نذبحو الكبش او النعجة هذا في الصباح .....في العشية يجيو فامي تع لعروسة باش يحضرو الفراش (كي يجيو فامي تع لعريس وصحابو باه يديو لفراش) ويقعدوا يتعاشاو (فامي تع لعروسة) ويسهروا مع العروسة اي يحضرو للحنة .......... وفي يوم الغد تذهب فامي تع العروسة الى قاعة الحفلات في الصباح باش تنظمها (قاعة الحفلات) ويطيبوا الغداء والغداء يكون لوبياء بالكرشة ......يتغدى فقط الموجودين في القاعة اي غير فامي تع لعروسة فقط ....وبعدها اي على الساعة الثانية بعد الظهر يبدا يستقبلوا الضيوف عائلة العريس تاتي في اغلب الاحيان على الساعة الثالة بعد الظهر..... ويقدموا لهم صينية قهوة مع قطع الحلوى واغلبها تكون في حدود ثلاث قطع ..........المهم على الساعة السادسة تبدا لعروسة تتصدر معناها تلبس البسة تقلدية (قنادر) على حساب رغبة العروسة واالتي تصدر العروسة يسميوها عندنا ماشطة هي تلبسلها القنادر ومن اهم البسة عندنا القات ...التلمساني...تونسي ...الهندي...العنابي... وفي التصديرة الاولى تلبس القندورة زرقاء اللون و التوضع اللفة فوق راسها تجي ام العريس تحني للعروسة ....وبعد الحنة تنعت ام لعريس مهر الفتاة والذي يكون اما مقياس او محزمة تع الذهب ... على الساعة الثامنة تبدا الناس تتعشى ويكون شربة فريك ..و شباح الصفرة . اكلات رئيسة اي كل العائلات العنابية لا تستغني عنها بالضافة الى اكلات اخرى وكل واحد حسب الرغبة...لكن اغلب العائلات العنابية تعمل من 3 الى 4 اطباق ويقدم مع العشاء علبة الحلويات لكل فرد ..............وبعد العشاء يدخل العريس واصحابه باه يلبس لها الخاتم ويقص الطرت وتكون العروس لابسة فستان ابيض ....وبعدها ياخد العريس العروسة ...وينتهي العرس
ملاحظة
في مدينة عنابة تختلف العادات والشروط من العائلة لاخرى وذلك حسب رغبة كل منها الا انها تشترك في مقياس و محزمة وهذا ضروري في العائلة العنابية
شباح الصفرة هي اكلة شبيهة بالمرقة الحلوة
ومن الاطباق الثانوية التي قد تطبخها العائلات العنابية في الاعراس زيادة على الطبقين الرئسيين ...ضولمة ... او طاجين بو نارين...او شخشوخة ..../طبق دجاج ....وغيرها
اما المقبلات سلطة وقد يكون معها سلطة حميص مشوي
الحلويات الحلويات الرئيسة عندنا المقروط والبقلاوة ....اما الانواع الاخرى فتختلف من العائلة لاخرى
الماشطة هي المراة لديها العديد من ملابس واكسسوارات الجميلة التي تهتم بالعروس من حيث الماكياج و الاكسسوارات ......
وكل العائلات العنابية تعمل الاعراس في قاعاة الحفلات
البسة الفتاة اي التصديرة تختلف من فتاة الى اخرى الكل حسب الرغبة فهناك من تلبس 3 تصديرات وهناك من تلبس 5 او 6 تصديرات

و هذا الكل حسب رغبة كل العائلة
اه نسيت قبل وضع القهوة بساعة او ساعتين يقدم لهم عصير بارد مع قطعة حلوى
............................................ اعذروني لقد اطلت في الموضوع ..............
تقبل مروري

شكرا لك اختي رفيقة
يبدو ان الامور اكثر تعقيدا عندكم ههههههههه
لكن هذه هي العادات والتقاليد
شكرا على المشاركة وبارك اله فيك