[أحمد دواجي]

المشاركة الأصلية كتبت بواسطة titou titou

شكرا جزيلا لك استاذ على هذا الموضوع المميز من فضلك اريد شرحا لدرس المجاز المرسل و كيف افرق بينه و بين الاستعارة و جزاك الله كل خير

السلام عليكم
تم شرح هذا السؤال في رد سابق

واذا ما فهمتوش نزيدو نشرحو



الرد السابق
"
السلام عليكم
راح نحاول نبسط قدر المستطاع

نبداو بالاستعارة باش نبسطوها واش نقولو
نقولو هي كل كلام غير واقعي وغير منطقي يعني ليس له أساس في الواقع يعني لا يحدث في الواقع هادي هي باختصار
نشوفو أمثلة؟
مثال: تكلم الأسد .... هل يتكلم الأيد في الواقع؟ لالا اذن كلام غير واقعي اذن مباشرة نحطو في خانة الاستعارة مباشرة
مثال: أمطرت السماء ذهبا ..... هل تمطر ذهبا؟ لالا كلام غير واقعي لا يحدث اذن استعارة
مثال: القائد يزأر في كلامه ..... هل يزأر الرجل مثل الأسد؟ لالا كلام غير واقعي اذن استعارة

هل كلامي واضح؟
بعد ذلك يبقى باش نحدو النوع فقط إذا طلب مني ذلك مكنية أو تصريحية

هادي الاستعارة

نروحو للكناية

ديما نشرحوها نقولو هي الهدرة بالمعاني يعني نقول حاجة بصح نقصد معنى آخر وأغلب كلامنا بالدارجة هو كنايات
مثال نقول: الإمام بابه لا يغلق .... واش نقصد ما يهمنيش الباب انا يغلق ولا يفتح انا نقصد ان الامام لي يطلب منو حاجة يعطيهالي لي نقصد بلي كريم
مثال: نبت العشب على قبر أخي .... واش نقصد.. ما يهمنيش في العشب واش دهلتي فيييييه انا نقصد ان أخي عندو مدة طويلة ملي توفى لأن النبات أو العشب يتطلب مدة طويلة باش ينبت

هل كلامي واضح؟

نزيدو المجاز مثلا

هو باختصار استخدام لفظ لغير ما وضع له، نقولو أمثلة؟

مثال: يقول اللع عز وجل "فتحرير رقبة" لا يقصد تحرير الرقبة وترك باقي الجسم يقصد كل الشخص كامل فأطلق الجزء على الكل هنا الرقبة تدل على جزء من الجسم لكم تغير معناها فأصبحت تدل على الكل، كي نغيرو المعنى تاع كلمة معينة نقولو رانا درنا مجاز مرسل

مثال آخر: نقولو ذهبت للباحة فشربت ماء البحر ... هل شرب كل ماء البحر ما خلا فيه والو؟ اذن بدلنا هنا المعنى اذن نقولو مجاز

واضح؟

في الاخير التشبيه نعرفوه بالمعنى كي نلقام حاجة نشبهوها بحاجة يكون تشبيه بشرط يكونو مذكورين في زوج في الجملة المشبه والمشبه به

آسف على الاطالة
واي سؤال نحن في الخدمة ولي ما فهمش نعاودو نشرحولو بطريقة أخرى

"