السلام عليكم اليوم ان شاء الله راح نوريلكم كيفاه يتخدم الخطوة الاولى هي الادوات - السمسم الصعير - العقاش اللي يجي في الخيط ما نعرف اسمو مي كاين منو الكبير والصغير المهم راح يبانلكم في الصور وان شاء الله تعرفوه - ابرة العقاش - خيط صحيح ما يتقطع بلخف الخطوة الاولى اندخلو 25 عقاشة سمسم في الخيط كما في الصورة ثم اندخلو الخيط في العقاشة الاولى اللي دخلناها كما في الصورة ثم اندخلو 7 عقاشات سمسم ثم عقاشة عادية ثم 7 سمسم ثم 1 عادية ثم 3 سمسم ثم ندخلو الخط في العقاشة العادية اللي قبل 3 سمسم ثم ندخل 7 سمسم ثم 1 عادية ثم ندخلها في العقاشة العادية الاولى اللي درناها كما هو موضح في الصورة ما عرفت انعبر ان شاء الله تفهمةو من الصورة كي نوصلو للدائرة الاخيرة نطلعو عادي وكي نوليو انديرو 7 سمسم وندخلو في العقاشة انتاع السكر الاول ثم 7 سمسم وهكذا والصورة توضح لإن شاء الله اتكونو فهمتو المهم هذا النابرو الصغير أما اللي موراه يكون فيه 5 حبات عقاش العادية والدائرة اللي نبداو بيها فيها 40 حبة سمسم اما اللي موراه في 7 حبات عادية والدائرة اللي نبداو بيها فيها تاني 40 حبة سمسم اما الكبير كامل فيه 9 حبات عادية والدائرة فيها 45 حبة سمسم إن شاء الله تكونو فهمتو