السلام عليكم
قالك القافلة تسير والكلاب تنبح
إذا حنا شعب متخلف لازم نلصقوها فاللغة العربية ولا التعريب
واكتاه باش الناس تفهم بللي لغتك تكبر بيك ماشي أنت تكبر بيها
يعني لوكان جينا شعب خدام ومتعلم لغتنا راح تكون كذلك
وإذا حنا شعب متخلف لغتنا حبيتوها تتطور وحدها
ثانيا التعريب فالجزائر يمكن أن يعتبر مشكلة من حيث الناس تهاونت عن دراسة اللغات الأخرى
ماشي لأننا رجعنا للغتنا الأصلية تخلفنا
والأهم من هذا الواحد كي يشوف العلماء مثل الخوارزمي وابن سينا وغيرهم
هذو كانوا فرس ولغتهم الفارسية
هل هذا الشي حد من تطورهم؟؟؟؟؟
الخوارزمي لحد اليوم أول درس يعطى فعلم الكمبيوتر فأي جامعة فالعالم هو التعريف بالخوارزمي
إذن خلي الغاشي يحكي ويعاود
لغتنا تكبر بينا ماشي حنا نكبروا بيها