[بنت سكيكدة]

المشاركة الأصلية كتبت بواسطة tofnine

اختي شكرا لك كانت من المقدسات لكن مخلاتش الاحترام على روحها
واش دخلها هي في التنظيف يخي كاينة بنت الناس راهي معاها وقايمة بدارها
كانت تحوس على المشاكل واش دايها تجبد مواضيع ماعنها حتى طعم
المشكل في العيد تجيني تجبدني بجيه انا وولدها وتقولي علاه ماجيتوش للعيد وثم نعرفو نجاوبو
لكن ولدها محبتش تزعفه وانا طاحت فيا تمرميد والله غير درت عقل الجنون معاها ودابور هذك الاسطوانة لكل مرة تسمعها ليا نتاع واجبات الكنة راني عشر سنين مزال ما فاتليش حق واحد من حقوق هاد الكنة
اه هاد الكنة ادا نظفت وبقات في الكوزينة تحظرلهم وهم في الصالة يتحدثو وكي تدخل يتغير الحديث هده تقدس
هاد الكنة الي هي اخر واحد يسمع واش راهو صاري في العايلة هده تقدس هده الكنة لي يحبوها غير عامل نظافة وطباخ هده تقدس
واش من قدسية اكثر من نصبحها بصباح الخير يا لميما ونرقدها بتصبحي بخير يالميما
واش من قدسية اكثر من اني ناديها امي اولادها كانو ينادوها باسمها ومني تعلمو يقولولها لميما
ايوجد اكثر من هكدا تقديس
راكي تقوليلي حتى لو كان تضربني
شكون راه يتضرب تلاميدنا في القسم وممنوع نضربوهم وانا مراة وباولادي ونقارب على 40 سنة وتقوليلي تضربني
اختي خليتها لله يخد فيها الحق

ما عليك الا الاستعانة بالله وتوكيل الله عز وجل
المشكل هذا راهو عند معظم العائلات احمدي ربي ما راكيش عايشة معاها
شوفي ليا انا راني نعيش هذه المأساة يوميا
راني نحس بيك لانو وجعك نفسو وجعي واش تعملي مع ناس ما يخافوش ربي
تهلاي في راجلك و اولادك و احماتك ربي يهديها و الا ما تهداتش ربي سبحانو ......