20 شخص يعني 4 طباسا كيلي بالطبسي الي راح تحطي فيه ادا كان الكسكس يابس اي مفتول عندو مدة طويلة ديري 2طباسا كي يطيب يولو 4 و ادا كان الكسكس مفتول جديد اي عندو 3ايام او 4 فكيلي 4 طباسا لانو كي يعود جديد ما يزكاش ارجو انك فهمتيني نروح للمرق حنا نديرو مرقة حمرة للضياف ومانكثروش الحمص اصلا ماعدناش نطيبوه في المرق علاخاطر يشهبها ماتعطيش هدكاللون الاحمر الباهي نطيبوه وحدو ومبعد كي نعودو رايحين نحطو للضياف نحوا شويا من وجه المرقة و نخلطوه معا الحمص و نديروه في الطبسي نتاع الكسكس اما بالنسبة للخضر ديري كيلو و نصف جزر و رطل بطاطا رطل لفت الا كاين و2حبات بصل كبار رطل كابويا اما اللحم انتي كرمك علا ضيافك منكيلو و نصف وما فوق حنا في الصحرة نقولو العرضة لحم صافي ادا كان اللحم ياسر تعجبهم و ادا كان الحم شويا يقلولك العرضة ناقصة حتى ولو كان الكسكس بنين وقيلا كثرت عليك ياسر بالتوفيق