وعليكم السلام الاخت اولا احمدي ربك على هكذا زوج ربي يديم المحبة بينكما ويبارك لكم.
انا نعرف حاجة واحدة برك لوكان انت ماتزوجتيش وقعدت فداركم يقولو عليك بايرة ومايعاملوكش مليح .المراة كي تتزوج ايدا شافت راجلها مليح معاها تديرو هو اسبق من عائلتها . انت ملزمة تحسنين ليماك خاصة وممكن والد ديالك تعاونيه بالمعقول اكثر من هذا واحد مارهو ملزم بواحد .
كي تشوفيهم يهدرو عليك هكاك اجبدي روحك باسك انا نعرف بلي مول طبع ماينطبع هادو مام تحاولي تحسني ليهم مايثمرش فيهم الخير. افراد العائلة ايلا يحبوك يحبوك ايلا مايحبوكش مارحش يحبوك .
كي كنتي فالضيق وقفو معاك؟ ولا كي طلعت بيك ولاو يعرفو الحقوق والواجبات اللي تخرج عليهم .
المهم انت استمتعي بحياتك مع زوجك واولادك وحاولي تتجاهليهم لانهم هامش فحياتك ماراهمش الاصل ..ببساطة.