موضوع جد قيم بارك الله فيك اختي
كلامك كله صحيح يوجد بعض الاساتذة ماشاء الله ولكن الاغلبية كيما قلت عليهم نعطيلك مثال وانا راني مجربتها تاع الكتابة في السبورة استاذ الفيزياء والرياضيات ماشاء الله يفهمو ويكتبو هوما في السبورة اما الباقي والله غير كامل نكتب لهم انا في السبورة ويزيدو ويخلوهالي كومة تاع دروس في الدفتر وين رايحا نلحق السبورة والكراس والدفتر وغير انا الوحيدة الي يطلعوني نكتي قلت لهم عودو طلعو عباد غيري انا تعبت كامل قالو لي للا نروح للدار ميتا من اتعب نكتب نصهم ونخلي الباقي نحل التمارين والواجبات ونحفظ من الكتاب ومانكتبش في الكراس المهم في الويكاند يديا يتقطعومن الكتابة من 8الى12وانا واقفة وزيدي من 13الى 17 حنا ماشي عباد مانحسوش استاذ العربية نتاعنا دائما راهو يضرب بلا سبب شوفي يجبد الجرنان والقارو ويقعد في القسم يدخن حنا نعودو رايحين نموتو ويزيد يغلق الباب والتاقة بلا ماراهو يقري يعطيلي كراس قديم يقول لي اكتبي الدرس دبري راسك فهمتيته ولالا
وانتظرو كيفية معاملة باقي الاساتذة عة قريب ان شاء الله