[وصال لورين]

شوف خويا يخي نتا عندك معادلة التفاعل نتا باش توازنها لازمك تشوف الطرفين الطرف الايسر والطرف الايمن
وباش تكون عندك معادلة صحيحة لازمك توازن تلاث حوايج :
توازن من عيث عدد العناصر
توازن من حيث الشحنة
وتوازن من حيث عدد عنصر الاوكسجين
نتا راك حاب تعرف الخمسة منين جات ؟يخي
عادي خلاص دورها معادلة رياضيتة ابدا شوف واحسب قداه عندك شحنة في الطرف الايمن
ومنبعد احسب قداه من عندك شحنة في الطرف الايسر
واطرح هاديك النتيجة الي تطرحها زيدها للطرف الي يحمل الشحنات الكبيرة
هيا نطبقوها على المعادلة نتاعك
الطرف الايمن عندك 2 والطرف الايسر عندك 7 حنا واش نديروا نروحوا نقصوا 7 من 2 نتحصلوا على خمسة 5 نكتبوها قدام الطرف الي فيه شحنات اكبر ها\ي قاعدة لازمك تحفظها ونتمنى اني فدتك ربي يوفق