السلام عليكم ورحمة الله وبركاته وصفتي هذه مستحيل نفرط فيها او نتخلى عليها مهما تغيرت وتعددت الوصفات لانها ناجحة بشهادة كل من تذوقه او عمله وعنده اسرار لا بد منها اولا نوع السميد او الدشيشة من الافضل دشيشة اسمها مولاMOULA المتوسط نعبر منها 3 كاس وكاس ونصف فرينة ملح نصف باكي خمارة نوارة كاس ونصف زيت 2مغرف زبدة او سمن خلطي مليح وممكن تخلطي في البيتران بالK ثم ظيفي كاس ماء الزهر واتركيه يرتاح تحضري العقدة اما تمر فوريه وزيديلو زبدة ومن الافضل تفوتيه في الة اللحم التقليدية اليدوية وتزيديلو قرفة ورشة ماء الزهر او ممكن تحشيه باللوز او كاوكاو شوية محمص وشوية سمن وسكر وماء الزهر تشكلي حربوش وتحطي العقدة وتطبعي مقروطات وتنقشي هذا المرة انا استعملتطابع واضح في الصور لاحقا كنت استعملتو للغريبية تحطيهم في بلا مش مهون بجاور بعضهم دون تركا مسافة كبيرة وطيبيه في فور سخون مسبقا في اقصى درجة ثم نقصي كما الكوشة تاعي انيام نطيب في ال200 طيبي من تحت ثم اشعلي الفوق و حمريه وسقيه بالعسل دافي مضاف اليه شوية ماء الزهر يسقى كما البقلاوة في البلا تاعو وخليه يتشرب العسل هذ الكمية فرغت رطل عسل وتنحيه وتقدميه في ليكيسات ممكن رشة بيستاش او فلا اترككن مع الصور نتمنى تجربوه وتدعولي واكيد راح يعجبكم وتعتمدو الوصفة ساهل واقتصادي ويذوب في الفم وما يبانش ابدا بلي مخدوم بالزيت*************