الروز بالسلق ام سوهيل
اولا نخدو السلق نغسلوه ونقطعوه رقيق قدر المستطاع ونرابو بصلة مع سنات ثوم ونقلوهم مع بعض في 2 مغارف كبار دهان ومغرف زيت زيتون حتى يدبال السلق ويطيح
نضيفو الروز يكون اما فاير او بسمتي ونخلوه يتقلى معاهم جيدا ومن بعد نضيفو حرور او فلفل اسود ونقلو حتى يتشرب الروز الماء تع السلق وليدام الي يكونو في المقلة او الطجين ومن بعد نمرقو بي مرق الدجا ج
او نمرقو بي الماء عادي ونستعملو ساشي تع الماجي دوق الدجاج او حبة جمبو مربع الي كاين انا نفضل تع الساشي
إضغط هنا لرؤية الصورة بحجمها الطبيعي.
وتغطيه وتخليه يطيب ومتنسايش رشة تع كركم اختياري
ومرة على مرة نحركو باش ميلسقش حتي يطيب ونشوفو ادا خصو طياب نضيفو الماء حتى يحمل الروز طيابه نديرو مغرف تع الدهان انا نستعمل صول في الاخير نخلطوها مليح حتى تدوب
ونزيدو رشة صغيرة تع فلفل اسود ولي يحب الهريسة يدير عادي وبصحتكم
اقتراح
انا دئما كي نطيب الجاج او نقليه او حتة لي نشريه واجد نغلي العضام ونستحفض بي المرق تعهم وهكا نتحصل على مرق الدجاج بدون عناء
وحتا لعضام تع اللحم او الراس تع البو زلوف هدي تدبيرة فقط.